మాది మొగిలిపేట .... ! మా ఊరే మా ప్రపంచం ....!

రైతులకు అందుబాటులో గత 35 ఏళ్లు గా మొగిలిపేట లో సేవలు అందిస్తున్న పశువుల దవాఖాన

2012-01-21T08:13:00.004+05:30

గతం లో మంద రాజన్న ఇంటి వద్ద పశువుల దవాఖాన ఉండేది .

ప్రస్తుతం స్వంత భవనం సమకూరాక కొత్త బస్టాండ్ సమీపం లో ఉంది .

గోదావరి కి వెళ్ళే మార్గం లో పశువుల ఆసుపత్రి .

ప్రతీ చలి కాలం సీజన్ లో కనిపించే మావి , చిక్కుడు , ఉసిరి మొదలగు పూతలు మా పెరట్లో కనిపించిన పూతలు .

2012-01-17T15:08:00.001+05:30

చిక్కుడు పూత

ఉసిరి పూత

మామిడి పూత

గ్రామాల్లో మామూలుగా ఈ సంక్రాంతి చలి కాలం లో మామిడి , ఇప్ప పూత వేయడాన్ని మామిండ్లు - ఇప్పలు పలుగు తాయి అంటారు . అంటే పూత విరగ బూస్తుంది అని అర్థం .

మా గ్రామం లోని మా కోటకాల్వ వద్ద గల మామిడి బాగు లోనివి ఈ ఫోటోలు .

మొగిలిపేట లో గత కొన్నేళ్లుగా అనేక రూపాల్లో ఉపయోగపడుతున్న పాత తరం భవంతి

2012-01-10T08:21:00.000+05:30

మా ఎరుక నుండి మొదలు ఈ భవంతి ముందుగా గ్రామ తపాల కార్యాలయం గా ఉండేది . అది బహూశా 1980 ప్రాంతం లో , అనంతరం పాతశాలకు తగిన వసతి లేని కారణంగా ప్రాథమిక పాటశాలను ఇందులోకి మార్చారు . ఆ తరువాత పాటశాలకు ఇప్పుడున్న శాశ్వత భవనం చేకూరడం తో ఈ భవనం ఖాళీ అయ్యింది .
ప్రస్తుతం వయోజన నిరంతర విద్యా కేంద్రం గా ఉపయోగ పడుతోంది . పాత తరం భవనాల్లో మిగిలిఉన్న ఏకైక భవనం ఇదొక్కటే కావడం విశేషం .

మొగిలిపేట ఉన్నత పాటశాల లో ఘనంగా స్వయంపరిపాలనా దినోత్సవం

2012-01-07T05:54:00.002+05:30

మొగిలిపేట ఉన్నత పాటశాలలో విద్యార్థులు నవంబర్ 14 న బాలల దినోత్సవాన్ని పురస్కరించుకుని "స్వయంపరిపాలనా " దినోత్సవాన్ని ఘనంగా నిర్వహించుకున్నారు .

గ్రామాల్లో కి కూడా చేరుకున్న మనీ బదిలీ సంస్థలు - మొగిలిపేట లో ఉస్కెల చిన్నయ్య నడుపుతున్న western union.

2012-01-02T06:33:00.000+05:30

సమకాలీన ప్రపంచం లో విశ్వమంతా ఒకే గ్రామం గా మారినట్టు తోస్తున్నది . సమాచార విప్లవం అనేక రూపాల్లో వివిధ సౌకర్యాలను సమకూర్చుతోంది . అలా గ్రామాల్లో ఇంటర్నెట్ అనేది వారికి చాలా సౌకర్యాలను అందుబాటులోకి తెచ్చింది . అలా మొగిలిపేట లో చిన్నయ్య అనే యువకుడు western union లాంటి మనీ ట్రాన్స్ ఫర్ సంస్థను నడుపుతున్నాడు .

western union in Mogilipet

చిన్నయ్య , నాగరాజు , గంగాధర్

మొగిలిపేట లో యువసేన యూత్ ఆధ్వర్యం లో భారతమాత విగ్రహ ఆవిష్కరణ

2011-12-23T11:43:00.000+05:30

                   యువసేన యూత్ ఆధ్వర్యం లో గ్రామం లో సేవా కార్యక్రమాలు బాగా సాగుతున్నాయి . ఈ క్రమం లో " ఈ భూమి మా తల్లి మేము ఆమె పుత్రులము " అనే భావనతో గ్రామం లో భవ్యమైన తల్లి భారత మాత విగ్రహం అవసరం అని భావించి గ్రామ వెంకటేశ్వర దేవాలయ సమీపం లో తేది . 18.12.2011రోజున ఆవిష్కరించారు . సభ్యులు మాసులబుచ్చిరెడ్డి , పోగుల జీవన్ , ఒస రమేష్ , బి. శ్రీనివాస్ , మామిడాల క్రిష్ణపరందాం ( అధ్యక్షులు ) , వి.రమేష్ , వి. నరేష్ , ఎ.మహేష్ , ఎం .డి. ఇబ్రహీం ,సి .హెచ్ . విజయ్ మొదలగు వారు పాల్గొన్నారు .
                       ఇట్టి విగ్రహావిష్కరణ కు స్థానిక MLA శ్రీ కల్వకుంట్ల విద్యాసాగర్ రావ్ గారు ముఖ్య అతిథి గా విచ్చేసారు .

                                                   భారత్ మాతా కీ జై   !

Google Earth లో మొగిలిపేట మరియు గోదావరి విహంగ చిత్రాలు.

2011-10-26T16:14:00.000+05:30

మొగిలిపేట గ్రామం మరియు గ్రామానికి తూర్పున పెద్ద చెరువు ను చూడవచ్చును . ప్రక్రుతి సౌందర్యానికి పెట్టింది పేరు మొగిలిపేట చెరువు .

మొగిలిపేట నుండి కేవలం రెండు కిలోమీటర్ల దూరం లో ప్రవహిస్తున్న గోదావరి ... సరిగ్గా మా గ్రామం వద్దనే ఉత్తరానికి మళ్ళి ప్రయాణిస్తుంది . మధ్య లో పాయల వల్ల మిగిలిపోయిన భూభాగాలను చూడవచ్చును . వీటికి కుర్రు అని పేరు .

మొగిలిపేట గోదారి రేవు అందాలు - కథలు కథలు గా చెప్పుకునే ఆసక్తికర గ్రామీణ విషయాలు చిత్రాలు

2011-10-26T16:00:00.001+05:30

తామందిరికీ స్వాగతం !

మొగిలిపేట గ్రామం ఆనుకుని గోదావరి ప్రవహిస్తుంది .

ఐతే విశేషం ఏమంటే సరిగ్గా మొగిలిపేట వద్దనే "L" వంపు తీసుకుని ఉత్తరం వైపుకు వెళుతుంది.

ఒక ఇంటికి వీధిపోటు ఎలాగో అలాగే మా గ్రామం పైకి తూర్పుదిశగా నేరుగా గ్రామం పైకి గోదారి వస్తుంది.

ఈ క్రమం లో కొన్ని చిన్న చిన్న పాయల మూలంగా కొన్ని భూభాగాలు ద్వీపాల్లాగా మిగిలాయి .

అవే గోదారి కి అందాన్ని తెచ్చిపెట్టాయి .

గ్రామం నుండి గోదారి ఒడ్దుకు చేరుటకు రెండు దార్లు ఊరు మొదట్లో ఒకటి , ఊరు దాటాక ఒకటి ఉన్నాయి .

మొదట్లో ఉన్న దారి "పాల రేవు " కు తీసుకెళ్లగా రెండవ దారి "బండి రేవు " కు తీసుకుపోతుంది.

పై రెండు చిత్రాల్లో గోదారి నిలకడను , అలాగే గోదారి పరవళ్ల ను చూడవచ్చును .

సముద్ర తీరాలను తలపించే ఇసుక తిన్నెలు గోదారి తీరానికి ఎంతో అందాన్ని తెచ్చాయి .

"నేతి గుండం" అని పిలువబడే ఈ నీటి నిలువలు రాతి గుట్టల పై పది అడుగుల ఎత్తున ఎండి పోకుండా ఉండడం విశేషం . నేతి లాగ నూనె నూనె లా ఉండడమే ఈ గుండానికి ఆ పేరు తెచ్చింది.

"పాల గుండం " పేరు తో ఇది కూడా మరో చోట రాళ్ళ వరుసల్లో చాలా ఎత్తైన రాయి పై నున్న గుండం . ఇందులో నీరు పాల లా తెల్లగా ఉండడం చేత పాల గుండం అని స్థానికులు పిలుస్తారు .

ఇది ఒక ఇతిహాస ఘట్టానికి సంబంధించిన విషయం . ఇక్కడ కనిపిస్తున్న చిత్రం లో పాదం ఆకారాన్ని చూడవచ్చును . ఐతే ఒకప్పుడు గోదారి ఉగ్రరూపం దాల్చి మహా వేగం తో ప్రవహిస్తూ నేరుగా గ్రామం మీదకు అలాగే గ్రామాన్ని ఆనుకుని ఉన్న సోమన్న(శివుడు ) గుట్ట ను ముంచెత్త డానికి రాగా ఆగ్రహించిన సోమన్న మా గ్రామం లోని వాన బండల్లో ఒక అడుగు అలాగే నడి మధ్య గంగ లో ఒక అడుగు వేశాడని , అందుకే ప్రవాహం ఎడమకు తరలి పోయిందని . గంగమ్మ ను తన రెండడుగు లతో పక్క దారి పట్టించాడని ఇక్కడి వారి నమ్మకం . ఆ అడుగు "సోమన్న అడుగు ముద్ర " గా ప్రతీతి చెందినది . అదీ సంగతి .

ఇక్కడ ఉన్న మరో పాద ముద్ర గోదావరి లో మరో చోట అగుపిస్తుంది . దీని చరిత్ర ఏమంటే నాడు రాముల వారు అరణ్య వాసం చేస్తున్న సమయం లో ఈ తీరానికి కూడా చేరుకున్నాడని , ఇక్కడ అమ్మవారు చీర ఆరవేసుకున్నారని ఆ చీర అంచును కూడా ఆ రాళ్ళ పై ఉంది . దానితో పాటే రాముల వారు నడిచిన పాద ముద్రలు కూడా ఉన్నాయని , అవే ఇవి అని ఇక్కడి వారి నమ్మకం..అదే రాములవారి పాదం గా ప్రసిద్ధి .

గోదారి లో నడుస్తూ ఉంటె రాళ్ళ బొరియలు , గుహలు , గుట్టల తో పాటు ఇలాంటి పర్వత శిఖరాలు కూడా ఉన్నాయి . ఆ శిఖరం పై ఉన్నవారు ఈ బ్లాగ్ సభ్యుడు శ్రీ గోల్కొండ రామ్మోహన్ అలాగే ఈ చిత్రాల్ని మనకు అందించిన కెమరా మెన్ శ్రీ చిట్యాల శ్రీధర్.

ఇలాంటి లోతైన లోయ సమానమైన ఇరుకు ప్రవాహాలను కూడా మా గోదారి చూడవచ్చును .

ప్రతీ సంవత్సరం గ్రామం లో ఘనంగా జరిగే దుర్గా శరన్నవ రాత్రి ఉత్సవాలు.(2011)

2011-10-17T05:38:00.003+05:30

నేతాజీ యువజన సంఘం ఆధ్వర్యం లో అమ్మవారి నవ రాత్రి ఉత్సవాలు జరుగుతాయి . సంఘ సభ్యులు భావాని దీక్షలు తీసుకుని అత్యంత భక్తి శ్రద్దలతో నిర్వహిస్తారు .

అమ్మవారి మంటపం లో కలశ స్థాపన

రాత్రి వేళల్లో చిన్నారుల సాంస్కృతిక కార్యక్రమాలు .

అమ్మవారి నిమజ్జనం రోజు మహిషాసుర మర్దనం కార్యక్రమం లో మహిషాసురుని పేల్చివేస్తారు .

నిమజ్జనం రోజా గ్రామ వీధుల గుండా అమ్మవారి శోభాయాత్ర ఉంటుంది.

గ్రామం లోని పాత పోస్టాఫీసు మరియు గతం లో పాటశాల గ కూడా ఉన్న భవనం

2011-10-17T05:19:00.002+05:30

1970 నుండి ఈ భవనం పోస్టాఫీసు గా ను మరియు గ్రామ పాటశాల గాను ఉండేది . 1982 లో ప్రస్తుత నూతన భవనం లోకి పాటశాల మారినది .

పై భవనం ముందే గ్రామం లో మంచినీటి కోసం తొలిసారి నిర్మించిన ఒవర్ హెడ్ ట్యాంక్ ఉంది . దీనిని 60000 లీటర్ల సామర్ధ్యం తో 1991-92 లో నిర్మించారు .

గ్రామ తెలంగాణ మహా ర్యాలీ లో "అస్సోయ్ దూల హారతి ..." ధూమ్ ధాం ఆటా పాటా

2011-10-10T06:10:00.002+05:30

మొగిలిపేట లో తెలంగాణ సకల జనుల సమ్మె కు మద్దతు గా మహా ర్యాలీ - గ్రామ జే ఏ సి కార్యక్రమం

2011-10-10T05:54:00.002+05:30

గ్రామం లోని పిల్ల పెద్ద , మహిళలు , రైతులు , సకల జనులంతా తేది . 22.9.2011 రోజున మహా ర్యాలీ ని ఇలా ప్రారంభించారు .

బొడ్డేమ్మ మరియు బోనాలతో మహిళలు .

గ్రామ వీధుల గుండా కదులుతున్న జన వాహిని .

బైటాయించిన మహిళలు , తెలంగాణ తల్లి వేషధారణ లో చిన్నారి .

గ్రామ వీధుల నిండా సందడే సందడి ... జై తెలంగాణ నినాదాలతో వీధులు దద్దరిల్లాయి .

చిన్నారు లేమి తక్కువ కాదు ... హుషారుగా నర్తిస్తూ ర్యాలీ కి అగ్రభాగాన ఉన్నారు .

ఉద్యమం లో అగ్రభాగాన ఉంది గ్రామ గ్రామా న చైతన్య యాత్రలతో ఉద్యమ జ్వాల రగిలిస్తున్న ఉపాద్యాయులను ఘనంగా సన్మానిస్తున్న గ్రామస్థులు .

రోడ్డు పై బైటాయించి నిరసన తెలుపుతున్న గ్రామస్థులు .

మొగిలిపేట లో సద్దుల బతుకమ్మ - తెలంగాణ ఉద్యమ స్పూర్తి తో కార్యక్రమం

2011-10-10T05:17:00.000+05:30

గ్రామం లోని పిల్లలు , మహిళా లోకం తెలంగాణ స్పూర్తి తో కదలి వచ్చి నినదిస్తున్న దృశ్యం .

బతుకమ్మ పై తెలంగాణ జెండా ఉంచి తెలంగాణ ఆకాంక్షను ప్రకటిస్తున్న గ్రామస్థులు .

బతుకమ్మ తో గ్రామ జే ఏ సి నేతలు .

మొగిలిపేట గోదావరి లో చిక్కిన జాలరుల సంఘటన న్యూస్ క్లిప్పింగులు

2011-09-06T08:31:00.000+05:30

మొగిలిపేట గోదావరి లో చిక్కుకున్న జాలరుల ను హెలీకాప్టర్ల సహాయం తో రక్షించిన లైవ్ వీడియో

2011-09-06T08:13:00.001+05:30

గత శనివారం తేదీ 3.9.2011 రోజున చేపల వేట కోసం మరియు పశువులను మేపడానికి తొమ్మిది మంది ఎప్పటి లాగానే గోదావరి కుర్రు ( కుర్రు అంటే మా గ్రామం వద్ద గోదావరి L turn తీసుకుని ఎడమకు మరలి రెండు పాయలుగా చీలి ప్రయాణిస్తుంది ఈ క్రమంలో ఏర్పడిన మధ్య భూ భాగాన్నే కుర్రు అంటాం ) వెళ్లారు .ఇలా జాలరులు , పశువుల కాపరులు రోజూ వెళ్లడం మామూలే కాని ....

శనివారం రోజున ఎగువన గల శ్రీరాంసాగర్ ప్రాజెక్ట్ రిజర్వాయర్ అధికంగా నిండిన కారణంగా 19 గేట్ లను ఒకేసారి ఎత్తివేయడం మూలాన వరద ఉధృతి వేగంయ్యింది . ఉదయం వీరు వేటకు వెళ్లారు సాయంత్రాని కల్లా వరద వేగంగా పెరుగుతూ నీటి మట్టం పెరగడం ప్రారంభమయ్యింది .ఇది గమనించిన ఆ తొమ్మిది మంది లో ఆరుగురు ఈదుతూ క్షేమంగా ఒడ్డు కు చేరారు . ఐతే అగ్గ శేకర్ , ముక్కెర రాజశేకర్ కుర్రు లో చిక్కి పోగా తోకల గణేష్ మాత్రం గోదావరి నది మధ్యన గల చిన్న భూభాగం లో చిక్కుక్కున్నాడు . ఈ లోగా పోలీసులకు అధికారులకు సమాచారం అందించడం తో RDO హన్మంత్ రావ్ గారి ఆధ్వర్యం లో గోదావరి ఒడ్డున సహాయక రక్షిత చర్యలు ప్రారంభమయ్యాయి. అక్కడే ఫ్లడ్ లైట్లు జెనరేటర్ సహాయం తో ఒక లౌడ్ స్పీకర్ బిగించి అక్కడి ఒడ్డున గల బాదితులకు రాత్రంతా సూచనలు సలహాలు ధైర్యం చెప్పడం జరిగింది . గ్రామస్థులు అంతా అక్కడే ఉండి సహాయక చర్యల్లో పాల్గొన్నారు .

ప్రభుత్వాన్ని కలెక్టర్ మరియు RDO గారు అర్థించడం తో రెండు సైనిక హెలీకాప్టర్ లు ఆదివారం ఉదయం 9 గంటల సమయం లో సంఘటనా స్థలానికి చేరుకొని గోదావరి మధ్యలో గల తోకలి గణేష్ ను సురక్షితంగా ఒడ్డుకు చేర్చాయి . అలాగే కుర్రు కు చిక్కుకున్న ఇద్దరిని బోటు సహాయం తో ఒడ్డు కు చేర్చారు . కథ సుఖాంతం అయ్యింది . వారి వారి కుటుంబ సభ్యులు గ్రామస్థులు ఊపిరి పీల్చుకున్నారు . గౌరవ శాసన సభ్యులు శ్రీ కలవకుంట్ల విద్యాసాగర్ రావు గారు మొదటి నుంచి చివరి వరకు పర్యవేక్షించారు .

గ్రామస్థులు అందరికి ఈ సంఘటన ఒక మరిచిపోలేని సాహస ఘట్టం గా గుర్తుండిపోగలదు .

ఘనంగా జరిగిన పెద్దమ్మ తల్లి జాతర - మళ్లీ ఐదేళ్లకు పునర్దర్శనం

2011-08-27T18:49:00.000+05:30

మా గ్రామం లో ప్రతీ ఐదేళ్లకు ఒక సారి పెద్దమ్మ తల్లి జాతర జరుగుతుంది .

సుమారుగా తెలంగాణా గ్రామా లన్నింటిలో ఇలాగే ఆనవాయితీ ఉంది .

గ్రామ కుల సంఘాల సమితి ఆధ్వర్యం లో ఈ కార్యక్రమం జరుగుతుంది.

తేదీ 8.5.2011 ఆదివారం రోజున జాతర జరిగింది .

అమ్మ వారిని రంగులతో అద్దడానికి గ్రామ శివారుల్లో ఒక పందిరి వేసి అక్కడికి తీసుకెళతారు. ఈ సారి కోటకాల్వ మామిండ్ల లో అద్దకం కార్యక్రమం ఏర్పాటు చేశారు . అద్దకాని కి వారసత్వంగా పని చేసే నకాయిషీ లు రంగులు అద్దుతారు .

అద్దకం పూర్తీ అయ్యాక గ్రామస్తులంతా వెళ్లి అమ్మవారిని ఘనంగా దేవాలయానికి ఎదుర్కొంటారు .

ఇట్టి కార్యక్రమం లో " ద్యావతి " వాండ్ల విన్యాసాలు గ్రామస్తులను బాగా ఆకర్షిస్తాయి . కాని ఈ సారి అంత చెప్పుకోదగ్గ విన్యాసాలు ఏమి ప్రదర్శించ లేకపోయారు . ఎదుర్కోలు సమయం లో కోళ్ళ మేడలు విరిచి పాడేయడం, కోడి గ్రుడ్లను తింపి విసరడం ...వల్ల అమ్మ వారి కోపం చల్లారుతుందని విశ్వసిస్తారు. మహిళలు దారి పొడుగునా మంగళ హారతులతో స్వాగతం చెపుతూ కొబ్బరికాయలు కొడతారు . ఈ విధంగా అమ్మవారి ఉరేగింపు సాగుతుంది.

అమ్మ వారి పండుగ చేయడం వల్ల గ్రామం ఎలాంటి రోగాలు లేకుండా సుఖంగా ఉంటుందని, కీడు జరగదని విశ్వసిస్తారు .

ఇది అమ్మవారి ఆలయం .

అమ్మ వారి ఊరేగింపు .

ఊరేగింపు లో ముందు నడుస్తున్న "ద్యావతులు" - వారు ధరించిన తాడును "శర్నకోల" లు అంటారు .

గొడుగు లాగ అగుపడుతున్న దానిని "గొళ్ళెం" అంటారు .దానిని అమ్మవారి ఛత్రం గా భావిస్తారు . ఇట్టి గోళ్ళాన్ని "గంగపుత్రులు" ప్రత్యేకంగా తయారు చేయడం ఆనవాయితీ ... దాదాపు అన్ని జాతరలకు ఈ పని వారి ద్వారానే జరుగుతుంది. అలాగే అద్దకం పూర్తయిన అమ్మవారి విగ్రహాన్ని గ్రామం లోని "ముదిరాజ్ " లు మోయడం ఆనవాయితీ . అలాగే ఇట్టి కార్యక్రమం కు సంధించిన పూజాది వ్యవహారాలలో కూడా వాళ్ళు పాలు పంచుకుంటారు . ఈ విధంగా ఏదోరకంగా అన్ని కులాల యోగాదానం ఉంటుంది . ఇది గ్రామం లో సమైఖ్య భావనకు దారి తీస్తున్దనేది పెద్దల ఆలోచన .

ఊరేగింపు అనంతరం ఆలయం ముందు అమ్మవారికి పూజలు బోనం సమర్పణ జరుగుతుంది .

దురాచారాలు :

ఇప్పటికీ జంతు బలి తో అమ్మవారిని సంతృప్తి పరచాలనుకోవడం విడ్డూరం .
గావు పట్టడం పేరు తో మేకపిల్ల గొంతును నోటి తో కొరికి చంపడం జుగుప్స కలిగిస్తుంది

ఇలా కొన్ని దురాచారాలు తప్ప మిగతా అంతా చాలా బాగా జరగడం విశేషం . ఇట్టి కార్యక్రమం పై ప్రజల నమ్మకం విశ్వాసం అమోఘం .

అమ్మ వారికి వినమ్ర ప్రణామములు సమర్పించు కొంటూ ..... నాగరాజు గోల్కొండ .

పుల్చెరి చెట్టు పండ్ల తో పెన్ను లోకి ఇంకు తయారు చేసేవాళ్ళం ... ఆ కాయలు తినేవాళ్ళం ..నోరు నల్లబడేది ...చూడండి .

2011-08-26T11:29:00.000+05:30

పుల్చేరి కొమ్మ ఆకు ఏంతో అందంగా ఆకుల వరసను కలిగి ఉంటుంది.

వాటికాయలు అంటే పళ్ళు నల్లగా మెరుస్తూ నోరూరిస్తుంటాయి .

పెన్ను లో సిరా ను ఇంటి వద్దే తయారీకి వీటిని బాగా వాడే వాళ్ళం.

అంతే కాదు స్కూల్ లో నల్ల బల్ల కు రుద్దడానికి కూడా ఇదే తెచ్చి దంచి వాడే వాళ్ళం .

ఇప్పుడు వాటి ఊసు లేదు ... అంతా డిజిటల్ బోర్డ్ ల మయం .

ఇవి పుల్చేరి ఆకులు .

పుల్చేరి పండ్లు ..ఇవే ఇంకు తయారీ కి వాడేవి ..తినేవీ ను.

ఇంకా దగ్గర గా పుల్చేరి కాయ ను పండును చూడవచ్చును.

సీతాఫల పుష్పం - లేత పింద - మా చెరువు కట్ట కు చూడముచ్చటైన సీతాఫల వనం .

2011-08-25T08:14:00.002+05:30

చిన్న నాటి నుండి ఒకటి తెలుసు ... అదేమంటే మా చెరువు కు స్నానం కు వెళ్లి నప్పుడల్లా కట్ట మీద సీతాఫల చెట్ల కు ఈ సీజన్ లో కాసే వాటి పుష్పాలు వాటి పిందెలు ... ఎప్పుడు గుడ్లు తెరుస్తాయా అని ఎదిరి చూసీ చూసీ గుడ్లు తెరవగానే వాటిని తెంపి అక్కడే మక్కేసే వాళ్ళం. మక్కె దాకా రో జూ తరచి తరచి చూసేవాళ్ళం.

మొత్తానికి గంటలు గంటలు ఆ సీతాఫల వనాల్లో నే గడిచేది .

ఇప్పటికీ అదే ధ్యాస వ్యాపకం ....!

తాజా తాజా సీతాఫల పుష్పం .

కొమ్మల్లో నక్కిన అందమైన సీతాఫల లేలేత కాయ .

తోటల్లో బుర్కబెడ్డల సందడి షురూ ...!

2011-08-09T06:42:00.001+05:30

ఉదయం అలా తోట్లో కి వెళ్ళగానే ముద్దు గా రైతును పలకరించే తడి మట్టి బెడ్డల్నేబుర్క బెడ్డలు అంటారు .

ఇవి వాన పాముల వల్ల తయారవుతాయి.

చేనుకు బలంగా సారవంతం చేస్తాయి కూడా .

పిల్లలకు వీటి తో ఆడుకోవడం మహా సరదా .

ఈ మధ్య నేను ఓ తోటలోనికి వెళ్ళినపుడు ఇవి దర్శనమిచ్చాయి .

మొక్కజొన్న దంట్ల నడుమ అందంగా మెరిసి పోతున్నాయి .

మెరిసిపోతున్న బుర్కబెడ్డ ...!

ఇలా తోట నిండా అవే ..!

ఐతే నేటి ఎరువుల మూలాన చాలా చోట్ల వీటి దర్శనం కరువవుతోంది .

అడవిని పసుపు వర్ణం తో నింపే రాలె పువ్వు అందమే అందము ...!

2011-06-18T06:06:00.000+05:30

నా చిన్న నాటి నుండి చూస్తున్నాను మా ఊరి పక్కనే అడవి లో ఈ వర్శారంభం రాగానే పసుపు వర్ణపు రాలె పువ్వు అందం నన్ను అమితంగా ఆకర్షిస్తుంది .... కాసేపు అక్కడే చెట్టు తో ముచ్చట్లాడనిదే కదలను .

ఈ పువ్వు ను పప్పులో వేసి వండుకుంటారు కూడా ...!

ఎంత అందంగా ఉంది ...!

రాలె ఆకు .

పసుపు కొమ్ము ను ఉడకబెట్టడం కోసం ఈ సీజన్ లో కొత్త యంత్రాలు వచ్చాయి - రైతులకు శ్రమ తగ్గింది.

2011-03-26T07:05:00.000+05:30

పసుపు సాగు చేస్తున్న ప్రధాన ప్రాంతాల్లో కరీంనగర్ ,నిజామాబాద్ లు ముఖ్యమైనవి.

సంప్రదాయ పద్దతుల్లో పసుపును పెద్ద పెద్ద "కడాయిల్లో " పెద్ద గోతులు తవ్వి ఉడకబెడుతుంటారు.

ఈ సీజన్ లో ఊరికి నాలుగు ఐదు చొప్పున పసుపు ఉడకబెట్టడానికి బాయిలర్లు వచ్చాయి.

పూర్తిగా ఆవిరి తో ఉడికే పద్దతి కావడం వల్ల తక్కువ కట్టెల తోనే బోలెడు పసుపు ఉడుకుతోంది .

రైతులు దాదాపు అందరూ ఈ యంత్ర్రాల ద్వారానే ఉడకేస్తున్నారు .

తక్కువ పసుపు దిగుబడి వచ్చిన వాళ్ళు మాత్రం కడాయిల్లో ఉడకేస్తున్నారు .

మొత్తానికి అవసరాలు , కాలం తో పాటు మార్పు కళ్ళ ముందే అగుపిస్తోంది.......

క్రింద వీడియోలో ఉడకబెట్టే యంత్రాన్ని చూడవచ్చు .

మోదుగు పూలు - మోదుగు చెట్టు అడవిలో జ్వాలామానంగా వెలిగిపోయే దివిటీ మోదుగు.

2011-03-19T08:01:00.000+05:30

మోదుగు పూలు : FIRE OF FOREST గా పేరుగాంచిన మోదుగు పూలు పేరుకు తగ్గట్టుగానే అడవి లో ఎక్కడున్నా ఎర్రని పూలతో అట్టే తెలిసిపోతాయి. గుత్తులు గుత్తులు గా ఎంతో బాగా ఆకట్టుకుంటాయి. వీటిని సేకరించి ఎందబెట్టుకుని తరువాత పొడిగా మార్చుకుని చాలా మంది టీ పొడిగా వాడతారు. ఆరోగ్యానికి మంచిది.

అందమైన మోదుగు పూల గుత్తి

మోదుగు పూల కొమ్మ

మోదుగు చెట్టు - నేను

మోదుగు పూల తో మా పిల్లలు సృజన్ మరియు అచ్యుత్

ఇలా అడవి తోవల్లో వచ్చిపోయే వారిని ఎంతో అందంగా ఆకట్టుకునే పూవు మోదుగుపువ్వు .

బూరుగు పూలు - బూరుగు చెట్టు - మోదుగు పూల లాగే అడవి అందాన్ని ఆవిష్కరిస్తాయి .

2011-03-18T06:43:00.001+05:30

అడవి ఒకో ఋతువులో ఒకో అందాన్ని అలంకరించుకుంటుంది. ఈ శిశిరం లో మోదుగు పూల తో మొదలై బూరుగు చెట్టు ఒంటి నిండా బూరుగు పూలతో ఎర్రని రంగు లో అడవి సిగ లో అందమైన పువ్వు లా ఉంటుంది. బూరుగు పువ్వు ను క్రింద చూడండి .
సరదా విషయం ఏమంటే .... గ్రామాల్లో పిల్లలు చెరువు కు స్నానానికి వెళితే ...అక్కడి బూరుగు చెట్టు యొక్క ఖాండం పై గల ముళ్ళను తీసుకుని వాటిని టేకు చెట్టు నారలో చుట్టుకుని తాంబూలం లాగా నోట్లో వేసుకుని నములుతారు . కాసేపటికి నోరంతా ఎర్రగా మారుతుంది. భలే హాయిగా ఆడుకుంటూ ఉంటారు. మీరు కూడా వేసుకోండి మరి ......

బూరుగు పువ్వు

బూరుగు చెట్టు

ఎర్రని బూరుగు పువ్వు అందం.

మట్టి బతుకులు - కుమ్మరి రాజన్న కుండల తయారీ వీడియో

2011-03-07T07:43:00.000+05:30

కుండలు తయారు చేస్తున్న కుమ్మరి రాజన్న.

మట్టి బతుకులు - కుమ్మరి రాజన్న కుండల తయారీ ఫోటోలు

2011-03-07T07:39:00.000+05:30

మారుతున్న జీవన శైలి కారణంగా మన కుల వృత్తులు కనిపించకుండా పోతున్నాయి. ఈ క్రమం లో మా గ్రామం లో కుండల తయారీ ని కొనసాగిస్తున్న ఏకైక కుమ్మరి "రాజన్న" మాత్రమే. అతన్ని కలిసినపుడు తీసిన ఫోటోలు.

కుండలు చుడుతున్న రాజన్న

తయారు చేసిన మట్టి పాత్రలు.

మన గ్రామానికి భవిష్యత్తు లో స్మశాన వాటిక అవసరం ...?!

2011-01-17T16:06:00.001+05:30

   చాలా కాలం నుండి మన గ్రామ శివార్లలో చెరువు గట్టు , మడుగు మీద ,ఎక్కడ బీడు ఖాళీ జాగలు కనిపిస్తే అక్కడ కాలేస్తున్నాం . కాని వర్షాకాలం లో ఊరు చుట్టూ నీరు చేరుకునే సరికి దహన కార్యక్రమానికి ఎక్కడికి వెళ్ళాలో తోచని స్థితి . అలాగే దహనానికి జాగ దొరికినా స్నానాదులకు ఎటు వెళ్ళాలనేది మరో ప్రశ్న ?!
   కనుక ఊరి కి ప్రధానంగా మూడు వైపుల మూడు విదాల ఎకరమో అర ఎకరమో కాదంటే గుంటల్లో భూమి ని కొని సిద్ధం చేస్తేనే సరి ....!
   ఇప్పటికే దూదేకుల ,ముస్లిం కులాలు స్థలాలు లేక తోటల మధ్య గల పాత స్థలాల్లో కార్యక్రమాల కోసం ప్రక్కన ఉన్న భూ యజమానులను బ్రతిమిలాడ వలసి వస్తున్నది.
   ఈ సమస్య మొదటి ప్రాధాన్యం గా గల సమస్యగా చూడాల్సి ఉంది.

మొగిలిపేట లో JAC ఆధ్వర్యం లో దిగ్విజయంగా "రస్తా రోఖో "

2011-01-17T13:29:00.000+05:30

నేడు JAC పిలుపు మేరకు తెలంగాణ వ్యాప్తంగా "రస్తా రోఖో " లు జరుగుతున్నాయి. అందులో భాగంగా మొగిలిపేట లో కూడా కార్యక్రమం జరిగింది.
ఇట్టి కార్యక్రమం లో గ్రామ JAC నాయకులు గోల్కొండ పవన్ కుమార్ , సర్పంచ్ ,MPTC, అన్ని పార్టీల నాయకులు విద్యార్థులు పాల్గొన్నారు. ఆ తరువాత నాయకులంతా వెళ్లి బాదనకుర్తి బిడ్జ్ వద్ద మహా రాస్తా రోఖో కార్యక్రమాన్ని నిర్వహించి ఆదిలాబాద్ , కరీంనగర్ జిల్లా ల సరిహద్దు ను దిగ్బంధం చేశారు. పోలీసులకు , తెలంగాణ వాదులకు మధ్య వాగ్వివాదం జరిగింది.

వాల్గొండ వరకు జై తెలంగాణ నినాదాలతో రహదారి దద్దరిల్లింది.

వలసల తో గడిచిపోతున్న లంబాడీ ల జీవనం ... పిల్లలు విద్య కు దూరం .

2010-12-23T14:04:00.008+05:30

   మా ప్రాంతం లో చెరుకు వాణిజ్యపంట గ రానించడం వల్ల రైతులు అధిక సంఖ్యలోనే చెరుకు పండిస్తారు. కరీంనగర్ జిల్లా మల్లాపూర్ మండలం ముత్యం పేట లో చక్కెర ఫ్యాక్టరీ ఉంది. సమీపం లోని ఎక్కడి రైతు లైనా ఇక్కడికే చెరుకును పంపిస్తారు.
   ఐతే చేతికొచ్చిన పంటను ఈ సీజన్ లో కత్తిరించి ఫ్యాక్టరీ కి తరలించాల్సి ఉంటుంది. ఇక్కడి రైతులకు చెరుకు నరకడం రాదు. దీని కోసం రైతులు ఆదిలాబాద్ జిల్లా , నిజామాబాద్ జిల్లా ల నుండి లంబాడీలను కుటుంబాలకు కుటుంబాలుగానే గుత్త కు మాట్లాడుకొని తెచ్చుకుంటారు. వారు ఎన్ని క్వింటాళ్ళు నరికారు అనే దాని మీదికేల్లి వాళ్లకు కూలీ కట్టిస్తారు.
   ఈ విధముగా లంబాడీల ప్రత్యేకత గత కొన్నేళ్ళు గా నడుస్తోంది. వీరు మాత్రమే కత్తిరించగలరు అనేది స్థిరపడింది. ఆ కారణంగా ఈ సీజన్ లో వందలాది లంబాడీ కుటుంబాలు పిల్లా జెల్లా అంతా వారి వారి ఎడ్ల బండ్ల పై ఇక్కడి ప్రాంతం కు రెండు మూడు నెలల కోసం వలస వస్తారు.
   చెరుకు తోటల సమీపం లో చిన్న చిన్న గుడిసెలు వేసుకొని జీవిస్తారు. లేదా రైతులు ఇచ్చిన కొట్టాల్లో వసతి తీసుకుంటారు . భార్యా భర్త చెరుకు నరకడానికి వెళితే పిల్లలు మాత్రం చదువు సంధ్య లేక గుడిసె ల వద్ద ఆడుతూ కాలం వెల్లదీస్తారు . మొత్తం చెరుకు సీజన్ అయిపోగానే తిరిగి వాళ్ళ స్వగ్రామాలకు వెళతారు.

   ఇదీ వీరి జీవన విధానం. అరకొర చదువులు చాలి చాలని వేతనాలు...... . సాగిపోతున్న వైనం ..... మనవంతు సహకారం తో వారి వికాసానికి తోడ్పడుదాం .

మొగిలిపేట స్కూల్ లో బాలల దినోత్సవం - పిల్లల స్వయం పరిపాలన కార్యక్రమం.

2010-11-18T07:16:00.002+05:30

మొగిలిపేట ఉన్నత పాఠశాల లో బాలల దినోత్సవం సందర్భంగా స్వయం పరిపాలన వేడుక నిర్వహించారు. పిల్లలు ఉదయాన్నే చక్కగా తయారై వచ్చి ఒక్క రోజు మాస్టారి గా ఎనలేని ఆనందాన్ని ఆస్వాదించారు. పండగ చేసుకున్నారు. బహుమతులు అందుకున్నారు. జీవితం లో ఒక తీపి జ్ఞాపకాన్ని నమోదు చేసుకొన్నారు.

కార్యక్రమ దృశ్య మాలిక :

పిల్ల టీచర్ల స్టాఫ్ రూం .

మా బడి నుండి... గిజిగాడి పిట్టగూల్ల దగ్గరికి వెళ్లి పాఠ్యాంశాన్ని ప్రత్యక్షంగా భోదిస్తున్న శర్మగారు.

2010-10-27T08:25:00.002+05:30

మొగిలిపేట పాటశాల లో కేవలం సైన్స్ లే గాక భాషా విషయాలను కూడా ప్రత్యక్ష సందర్శన గావించి, పిల్లలకు చక్కటి విషయ అనుభవాన్ని ఇస్తున్నమహేశ్వర శర్మ గారి ప్రయత్నం అభినందనీయం. దీని వల్ల పిల్లల్లో ఉత్సాహం, ఉల్లాసం తో పాటు మరిచిపోని రీతి లో గుర్తుంచుకొనే అవకాశం లభిస్తుంది. ఇలా వారు అనేక ప్రయోగాలు చేస్తున్నారు. ప్రతీ వారాంతం లో ఏదేని కవి పరిచయం చేయడం జరుగుతోంది.

చూడండి మా శర్మ గారి గిజిగాడి సందర్శన :

అమ్మో ఈ తుమ్మ కు ఎన్ని గూల్లో.... అంతా గిజిగాడి ఇంజనీరింగే మరి...!

గుఱ్ఱం జాషువా గారి వర్ణన ను ప్రత్యక్షంగా పోల్చుకుంటున్న విద్యార్థులు .

వివరణ లో లీనమైన శర్మ గారు.

కేవలం గిజిగాడి గురించే కాదు, తుమ్మ చెట్ల వల్ల లాభం ... అలాగే తుమ్మ వల్ల పొలం కు మరియు రైతులకు గల లాభాలను వివరిస్తున్న శర్మ గారు.

గోదావరి ఒడ్డున మా తెలుగు మాస్టారు..... శర్మ గారు.

విద్యార్థుల్లో జిజ్ఞాసను పెంచుతున్న మొగిలిపేట పాటశాల లోని వారాంత కార్యక్రమాలు.

2010-10-27T08:10:00.002+05:30

మొగిలిపేట పాటశాల లో గణితం సారు రామ్మోహన్ గారి ఆధ్వర్యం లో ప్రధానోపాద్యాయులు గోవర్ధన్ గారి సమక్షం లో నియమితంగా ప్రతి శనివారం విద్యార్థులలో జిజ్ఞాస, వ్యక్తిత్వ వికాసం ,భాషా జ్ఞానం, విజ్ఞాన విషయాలు, చిక్కు ప్రశ్నలు, పిల్లల నుండి సహజంగా నిత్యజీవితం లో అర్థం గాని ప్రశ్నల ను రాబట్టి సమాధానాలతో కార్యక్రమమం యోజన చేసి అమలు చేయడం జరుగుతోంది. ఇది అత్యంత సహజంగా నిర్వహించడం విశేషం. పిల్లలు శనివారం ఎప్పుడొస్తుందా అనే రీతి లో సాగుతోంది.

ఈ శనివారం విశేషాలు ( తేది : 23.10.2010 ) :

పాటశాల ప్రాంగణం లో సమావేశమైన విద్యార్థులు.

సి. నా . రె కవి పరిచయం తో కార్యక్రమాన్ని ప్రారంభిస్తున్న శర్మ గారు.

ఆసక్తి గా వింటున్న విద్యార్థులు .

ఉపాధ్యాయులు ...విద్యార్థులు .

సైన్స్ సార్ జనార్ధన్ గారు నీటి లో కొన్ని వస్తువులు మునుగుటకు, తేలుటకు గల కారణాలను కృత్యం ద్వారా తెలిపారు.

అలాగే గణితం సార్ రాము గారు సూర్యుడు తూర్పున ఉదయించి పశ్చిమాన అస్తమించడానికి గల కారణం ఏమి ?

స్వేచ్చగా వేలాడదీసిన అయస్కాంతం ఎందుకు ఉత్తర దక్షిణ దిక్కులను చూపుతుంది ?

లాంటి విద్యార్థుల ప్రశ్నలను కృత్యాధారంగా వివరించారు.

మొగిలిపేట పాటశాలలో పదవతరగతి పిల్లల తల్లిదండ్రుల తో ఉపాధ్యాయుల సమావేశం _ విశేషాలు.

2010-10-27T07:39:00.002+05:30

పాటశాల ప్రధానోపాధ్యాయులు శ్రీ గోవర్ధన్ గారి ఆధ్వర్యం లో తేది : 25.10.2010 రోజున పదవతరగతి పిల్లల తల్లి దండ్రుల తో సమావేశం జరిగింది. ఈ కార్యక్రమం లో పిల్లల ప్రగతి మరియు రాబోవు ssc పరీక్షల కోసం తల్లి దండ్రులు పిల్లల పట్ల తీసుకోవలసిన జాగ్రత్తలు గురించి చర్చించడం జరిగింది.

విషయాలు :

పిల్లల ప్రగతి పత్రాలను తల్లిదండ్రుల తో కలసి విశ్లేషించడం జరిగింది.
పిల్లలను ప్రతీ రోజు ప్రాతః కాలముననే లేపి చదివించాలని కోరడమైనది.
ప్రతీ ఉపాధ్యాయుడు తన subject కు సంబంధించి విద్యార్ధి మెరుగు కోసం సూచనలను చేశారు.
త్రైమాసిక ఫలితాల పై విశ్లేషణ జరిగింది ... అనువర్తి గా చేపట్టాల్సిన చర్యలను చర్చించారు.
పిల్లల లో చదువు తో పాటు సంస్కారాన్ని పెంపొందించుటకు తగు సూచనలను చేయడం జరిగింది.

సమావేశానికి హాజరైన తల్లిదండ్రులు.

సమావేశాన్ని ప్రారంభిస్తున్న తరగతి ఉపాధ్యాయులు శర్మ గారు. వేదిక పై ఆసీనులైన ప్రధానోపాధ్యాయులు గోవర్ధన్ గారు , గ్రామ ప్రముఖులు వెంకట్రెడ్డి గారు , ssc పరీక్షల ఇంచార్జ్ లింగన్న గారు.

దుడ్డె తినడానికి లేలేత ఎనాద్రి మొక్కను మేత గా వేస్తారు .. దాని లేత చివురుకు సుతి మెత్తని మేత .

2010-10-25T06:52:00.000+05:30

పసి పాప గా ఈ లోకం లోకి వచ్చిన బర్రె ( గేదె ) పిల్ల దుడ్డె కోసం వేసే గడ్డి మొక్క పేరే ఎనాద్రి .

అనవసర వర్షాలతో నానిపోతున్న మక్క కంకి .... దిక్కు తోచని రైతు.

2010-10-24T07:24:00.000+05:30

ఇటీవలి అల్పపీడన వర్షాల వల్ల తోట్లో, మైదానాల్లో ఆరబెట్టేందుకు ఉంచిన మక్క కంకి నాని పోయింది. వర్షాలు వచ్చాయి అనే ఆనందం లో బీడు భూముల్ని కూడా సాగు లోకి తెచ్చిన రైతులకు నిరాషే మిగిలింది. మార్కెట్ లో ఏమాత్రం ధర పలకని కంకి ని ఏంచేయాలో అర్ధం గాక రైతులు దిగాలు పడుతున్నారు. మంచి దిగుబడి వచ్చిందన్న ఆనందం లేకుండా పోయింది...!

ఆరుబైట కంకి కుప్పలు పోసిన రైతులు .... వర్షాల తో తడిసాయి.

బతుకమ్మ ను పేర్చడం కోసం వాడే పూలు - గునక, కట్లె, బంతి, తంగేడు చూడండి.

2010-10-19T10:00:00.005+05:30

తెలంగాణ ఆడపడుచుల పండుగ :
బతుకమ్మ తెలంగాణ ఆడపడుచుల ఆరాధ్య దైవం. సంవత్సరాని కొకసారి గౌరమ్మ ను తలచుకొని మురిసిపోయే రోజు. ఇంటిల్లిపాది ఎదిరి చూసి చూసి పండగ రాగానే అటు పూల కోసం ఇటు నిత్య నైవేద్యం కోసం పరుగులు పెట్టే రోజు. రోజూ సాయంత్రం ఊరు వాడ అంతా కలసి మనసారా ఆటాడుకునే రోజు . బతుకమ్మ రోజు.

బతుకమ్మ ను పెర్చడానికి వాడే పూలు ఇవి :
ఈ పూల కోసం ఆ ఇంటి అన్నయ్య , నాన , అమ్మ , అమ్మమ్మ, అక్కయ్య , తాతయ్య ఒకరేంటి అంతా అడవి కి పరుగో పరుగు.

తంగేడు పువ్వు :

కట్లె పువ్వు :

గునుక పువ్వు : ఈ పువ్వును అధికంగా వాడతారు.

బంతి పువ్వు :

బతుకమ్మ ను ఈ పూల తో ఎలా పెర్చుతారో ఈ లింక్ ని నొక్కడం ద్వారా చూడండి :

http://mogilipet.blogspot.com/2010/10/blog-post_13.html

మొగిలిపేట లో ఘనంగా అమ్మవారి నిమజ్జన కార్యక్రమం.

2010-10-19T07:07:00.002+05:30

అమ్మవారి నిమజ్జన కార్యక్రమం :

నవమి రాత్రి విపరీతమైన వర్షం కారణంగా తెల్లవారి దశమిఉదయం అమ్మవారి నిమజ్జన కార్యక్రమం నిర్వహించారు.
అందులో భాగంగా మహీశాసుర మర్ధన కార్యక్రమం జరిగింది.

ఉరేగింపుగా అమ్మవారు.

మహిషాసురుని తయారీ లో యువకులు బిజీ ..!

అమ్మవారి క్రోధాగ్ని కి దహించుకు పోతున్న మహిషాసురుడు.

జై భవాని ...! జై జై భవాని ....!

అమ్మవారి నవరాత్రుల్లో కార్యక్రమాలు - చిన్నారుల నృత్యాలు.

2010-10-18T08:53:00.002+05:30

మొగిలిపేట లో అమ్మవారి నవరాత్రుల సందర్భంగా చిన్నారుల నృత్య ప్రదర్శన జరిగింది.

కార్యక్రమాన్ని నిర్వహిస్తున్న కడకుంట్ల నవీన్.

తిలకిస్తున్న గ్రామస్తులు.

మొగిలిపేట లో అమ్మవారి నవరాత్రి ఉత్సవాలు - దుర్గాదేవి ఉత్సవ సమితి.

2010-10-15T10:00:00.004+05:30

దుర్గానవరాత్రులు :
   గత ఏడు సంవత్సరాలుగా దుర్గా నవరాత్రి ఉత్సవాలను మొగిలిపేట లో నిర్వహించడం జరుగుతోంది. తొలుత నేతాజీ యూత్ ప్రారంభించినప్పటికీ అనంతరం గ్రామ యువజనుల ఆధ్వర్యం లో ఉత్సవ సమితి గా ఏర్పడి నిర్వహిస్తున్నారు .

అమ్మవారి దీక్షలు :
   ఈ సందర్భంగా యువకులు అమ్మవారి దీక్షలు తీసుకుని ఎంతో నిష్ట తో కార్యక్రమాలు నిర్వహిస్తున్నారు. ఈ తొమ్మిది రోజుల పాటు వారు దీక్షలో ఉండి అమ్మవారిని సేవిస్తారు. తొమ్మిది రోజుల్లో అమ్మవారి భోనాలు, కుంకుమ పూజలు లాంటి కార్యక్రమాలు నిర్వహిస్తారు. పక్కా ప్రణాళిక తో ముందస్తు యోజన తయారు చేసుకుని అమ్మవారిని నిలబెడతారు. ఆ మేరకు గ్రామ పెద్దలు, ప్రజల నుండి సహకారం లభిస్తోంది. అమ్మవారి ఆభరణాలు, వస్త్రాలు, నైవేద్యం , ఇలా వివిధ విషయాలన్నీ గ్రామం లోని భక్తులు స్వయంగా ముందుకొచ్చి చూసుకుంటున్నారు.

కాలక్షేపం :
   కాలక్షేపంగా బ్రహ్మం గారి కాలజ్ఞానం చెప్పించడం. బుర్రకథలు, హరికథలు , పిల్లలచే నాట్య ప్రదర్శన చేయించడం , ప్రవచనాలు చెప్పించడం జరుగుతోంది.

   గ్రామం మొత్తం లో ఓకే అమ్మవారిని ప్రతిష్టిస్తారు .

అమ్మవారి ప్రతిమ :

అమ్మవారి మండపం :

అమ్మవారి ముందు పూజా యంత్రాలు :

జై భావాని ! జై జై భావాని !!

బతుకమ్మ తయారీ లో చిన్నారులు ... రంగు రంగుల పూల పండగ.

2010-10-13T11:18:00.002+05:30

బతుకమ్మ :

బతుకమ్మ అనేది తెలంగాణ ప్రాంతం లోని మహిళలు, ఆడపిల్లలు జరుపుకునే పండగ. ఆనందంగా ఆడే ఆట - పాట. ఇది సెప్టెంబర్ లేదా అక్టోబర్ మాసాల్లో అనగా శరదృతువు ఆశ్వయుజ మాసం లో వస్తుంది. ఈ పండగనే బొడ్డెమ్మ అని కూడా పిలుస్తారు. పిల్లలు ఆడే ఆట పాట బొడ్డెమ్మ. అలాగే మహిళలు ఆడే పాడే ఆట ను బతుకమ్మ అంటారు. పెత్రమావాస్య రోజు బొడ్డెమ్మ బాయి తోడుకొని 9 లేదా 11 రోజుల వరకు రోజు సాయంత్రం పుట్టమన్ను తో మేగి రంగు రంగు ల పూల తో అలంకరించి ఆ వీధి పిల్లలు పెద్దలు కూడి బతుకమ్మ జానపదాలు పాడుతూ తప్పెట్ల తో అమ్మవారిని కొలుస్తూ చుట్టూ తిరుగుతూ ఆడతారు.

చివరగా తొమ్మిదవ లేదా పదకొండవ రోజు అమ్మలక్కలు రంగు రంగు ల పట్టు చీరలు ,ఒంటి నిండా ఆభరణాలు ధరించి , ఒక పళ్ళెం లో గాని లేదా తాంబూలం లో గాని బంతి, గునక, గుమ్మడి, కలువ, అల్లి, కట్లె లాంటి రంగు రంగుల పూలతో అమ్మవారిని అనగా బతుకమ్మను పేర్చి ఉరేగింపుగా గ్రామ వీధులగుండా వెళతారు. మధ్య మధ్యలో చావిళ్ళ వద్ద బతుకమ్మ లను దించి మధ్య లో వుంచి చుట్టూ తిరుగుతూ బతుకమ్మలాడుతారు.

ఈ కోలాహలం లో గ్రామ ప్రజలంతా పాల్గొంటారు. సకుంటుంబంగా అందరూ ఊరేగింపులో ఉంటారు. చివరగా ఊరి బతుకమ్మ లన్నీ గ్రామ చెరువు, వాగు , నది వద్దకు చేరతాయి. అక్కడ అమ్మవారికి చివరి వీడ్కోలు పలుకుతూ చెరువు లో నిమజ్జనం గావిస్తారు. అమ్మవారిని సాగనంపుతూ పోయిరావమ్మ గౌరమ్మ పోయిరావమ్మ ... మళ్ళి వచ్చి మమ్ము ఏలుకోవమ్మ .... అంటూ నీటిలో వదులుతారు .

బతుకమ్మ సద్దులు :

ఈ కార్యక్రమంలో అమ్మవారి నైవేద్యం గా బియ్యం, పెసర, నువ్వులు, పల్లి, మినప, పిండ్లను వేరువేరుగా నెయ్యి లో వేయించి చక్కర కలిపి సద్దులు తయారు చేస్తారు. వీటినే సత్తు పిండ్లు అంటారు.అమ్మవారి నిమజ్జనం తరువాత అదే చెరువు గట్టున పిల్లా పాప సకుటుంబ సమేతంగా సద్దులను ఒకరికొకరు ఇచ్చిపుచ్చుకొని ఆరగిస్తారు.

ఇలా అత్యంత కోలాహలంగా పదకొండు రోజులు సాగే బతుకమ్మ వేడుకలు ఇంటింటా ఎంతో సంతోషాన్ని ఆనందాన్ని నింపుతాయి. అన్ని కష్టాలను మరిచి అందరూ కలిసి మెలిసి వారి ఆనందాన్ని పంచుకుంటారు. పిల్లలకు ఒక మరిచి పోనీ తీపి జ్ఞాపకం. మెట్టినింటున్నా , పుట్టింటున్నా ఎన్నో జ్ఞాపకాలను నెమరు వేసుకునే ఒక సందర్భం బతుకమ్మ . తెలంగాణ ఆడపడుచుల ఆరాధ్య దైవం కొంగు బంగారం అమ్మవారు ...ఆ ఆదిశక్తి. రంగుల హరివిల్లు లా సాగే బతుకమ్మ పండుగ మన అందరి జీవితాల్లో వెలుగు నింపాలని ఆకాంక్షిద్దాం .

ఈ సందర్భం లో బతుకమ్మ ను ఎలా తయారు చేస్తారో మా పిల్లల ద్వారా చూడండి.

మొగిలిపేట లో నిమజ్జన దృశ్యాలు .

2010-10-07T08:46:00.000+05:30

మొగిలిపేట లో వినాయక నిమజ్జనం రెండు రోజులు సాగింది . తొమ్మిది , పదకొండు రోజుల్లో కార్యక్రమాన్ని కొనసాగించారు. కోలాటం , భజన ల తో గ్రామస్తులు గణనాయకుని కి వీడ్కోలు పలికారు .

కోలాటం ...గణనాథుని కి వీడ్కోలు.

పెద్దమ్మ తల్లి - ఊరికి పెద్ద దిక్కు ఆపదల్లో ఆదుకునే అమ్మవారు .

2010-10-05T07:58:00.002+05:30

"అమ్మలగన్నయమ్మ ముగురమ్మల మూలపుటమ్మ చాల బె

ద్దమ్మ సురారులమ్మ కడుపాఱడిపుచ్చిన యమ్మ దన్నులో

నమ్మిన వేల్పుటమ్మల మనమ్ముల నుండెడి యమ్మ దుర్గ మా

యమ్మ, కృపాబ్ది యిచ్చుత మహత్వ కవిత్వ పటుత్వ సంపదల్ "

హిందూ సంప్రదాయంలో శక్తిగా, దుర్గగా అర్చింపబడే దేవత. త్రిమూర్తులలో ఒకరైన శివుని ఇల్లాలు. భవాని, అంబిక, లలిత, అమ్మ, దాక్షాయణి, కాత్యాయిని, గౌరి, భైరవి, అపర్ణ, కాళి, శ్యామ, ఉమ వంటి ఎన్నో పేర్లతో కొలువబడుతుంది. గ్రామీణ ప్రాంతాల్లో అమ్మ వారిని అనేక రూపాల్లో కొలుస్తారు . అందులో ఒక రూపం " పెద్దమ్మ తల్లి ".

మా గ్రామం లో ఊరికి ఉత్తరాన తూరుపుకి అభిముఖంగా అమ్మవారి దేవాలయం ఉంది . ప్రతీ ఐదు సంవత్సరాలకు ఒకసారి " పెద్దమ్మ జాతర " విశేష కార్యక్రమం జరుగుతుంది. ఈ సందర్భం లో అమ్మవారికి , ఆలయానికి నకాయిషి అనే ప్రత్యేక వృత్తి లో వుండే కళాకారులతో రంగులద్దింప జేస్తారు . గ్రామస్తులంతా అమ్మవారి దర్శనం తో పాటు అక్కడే వంటలు చేసుకుంటారు . ప్రత్యేక మొక్కులున్నావారు , నియమిత మొక్కుల వారు వారి వారి మొక్కులను తీర్చుకుంటారు. పెద్దమనుషులు ఊరి బాగు కోరుతూ జంతుబలి చేస్తారు . ప్రతీ సంవత్సరం మిరుగు ( మృగశిర ) అమావాస్య కు పెద్దమ్మ పండుగ పేరు తో అమ్మవారిని దర్శించుకోవడం ఆనవాయితి .

ఇదీ అమ్మ వారి ఆలయం . పెద్దమ్మ గుడి.

నకాయిషి లచే రంగులద్దబడిన ఆలయ చిత్రాలు.

ఊర ఓశవ్వ ( ఊరి లోని పోశవ్వ ) ఊరి ని కనిపెట్టుకుని కటాక్షించే తల్లి - పోశవ్వ తల్లి.

2010-10-02T09:56:00.002+05:30

   భారతదేశం లో ప్రతీ గ్రామం లో ఆ గ్రామస్తుల నమ్మకాలు , పరిస్థితులు , వారు ఎదుర్కున్న వివిధ కష్ట నష్టాలు , బాధలు , విపత్తులు , సుఖ దుఃఖాల నేపథ్యం లో గ్రామదేవతల ప్రతిష్ట జరుగుతుంది . ప్రతిష్ట జరిగిన దేవతలకు వారి కట్టుబాట్లు , ఆచారాల మేరకు ప్రతీ ఏడు క్రమం తప్పకుండా పండగల , జాతరల నిర్వహణలు జరుగుతాయి . అలా తెలంగాణ ప్రాంతం లో ప్రతీ గ్రామం లో పోశవ్వ , మైశవ్వ , మహంకాళి పేర్లతో ఆదిశక్తి రూపాలుగా గ్రామ దేవతలు కొలువై వున్నాయి.
   ఇంటి కార్యమైన , గ్రామ కార్యమైనా ముందు ఊర ఒషవ్వకు తెలపాల్సిందే ..! ఆ మేరకు మొక్కు పూర్తయ్యాకే కార్యక్రమం లో ముందుకు వెళ్లడం జరుగుతుంది.

   అలా మా గ్రామం మొగిలిపేట లో కొలువై ఉన్న ఊర ఓషవ్వ , సార్గమ్మ , పోతలింగన్న లను చూడవచ్చు.

తిర్మల్ హోటల్ ముందు నాటి నుండి తన తమ్ముడు పోతలింగన్న రక్షణలో కొలువై ఉన్న పోశవ్వ తల్లి.

దొరగారి యాప దగ్గర కొలువై ఉన్న పోశవ్వ .

సార్గమ్మ తల్లి .

గ్రామం లో ప్రతీ మాఘం అమావాస్య తర్వాతి గురు ,ఆది వారాల్లో గ్రామం లోని ప్రతీ ఒక్కరు చలి బోనాలు అమ్మవారికి సమర్పించు కోవడం ఆనవాయితీ .

చలి బోనం అంటే గురు ,ఆది వారాలకు ఒక రోజు ముందు రాత్రి స్నానం ఆచరించి కుండలో కేవలం తెల్ల అన్నం వండి అలాగే ఉదయం వరకు ఉంచుతారు దీన్నే " చలి బోనం " అంటారు . మళ్ళి తెల్లవారి తలంటు స్నానం చేసి నాలుగు ఇత్తడి పాత్రల్లో వేరు వేరు గా బెల్లం అన్నం ( బెల్లపన్నం ) వండి మొత్తం మా గ్రామం లో ఉన్న ఐదు పోశవ్వ లకు నైవేద్యం గా సమర్పించడం జరుగుతుంది. ఇలా సమర్పించడాన్నే చలిబోనం అంటారు . ఈ బోనాలు క్రమం తప్పకుండా గ్రామం లో గ్రామ క్షేమం కోరి మొక్కు గా తీర్చుకుంటారు .

అలాగే ఏ ఇంట్లో నైనా పెళ్లి జరిగితే పిల్ల లేదా పిలగాని పెళ్లి బట్టల్ని ఒక రోజు ముందు ఊర్లే పోషవ్వలకు చప్పుడు తో వెళ్లి చూయించుకొని వస్తారు. దీనికి ముందు ఒక ఆదివారం లగ్గం ముందు పోశవ్వ పండుగ చేయడం తప్పని సరి ....! ఇలా పోశవ్వ తల్లి గ్రామీణుల తో పెనవేసుకున్న ఆత్మీయ బంధం . అన్నింటికీ అమ్మవారే దిక్కు .

త్వరలో మన బ్లాగ్ లో మన గ్రామం లో ఉన్న ఐదుగురు పోశవ్వల గురించి ప్రత్యేక వ్యాసం ఉంటుంది .

నల్ల ఒషవ్వ ( కట్టకింద )
బంగారి పోశవ్వ ( ఆనబండల తోవ ల మఱ్ఱి తొర్ర లో గల అమ్మవారు )
ముత్యాల పోశవ్వ ( ఆనబండల కొంగ సాకలోల్ల తోటల )
ఆడెల్లి పోశవ్వ ( అటే గూండ్లోల్ల తోటల )
మాలక్ష్మమ్మ ( తూం కాడ మామిడి బాగుల )

ఇదీ మన గ్రామం లోని గ్రామ లోని పోశావ్వల కథ .

కోలాటం - మొగిలిపేట లో భక్తి ప్రపత్తులతో నిమజ్జనం - వీడియో.

2010-09-29T07:48:00.000+05:30

   మొగిలిపేట వినాయక నిమజ్జన ఉత్సవాలు మన గ్రామం లో ఉత్సాహంగా జరిగాయి . ఆది , సోమవారాల్లో నిర్వహించారు . కోలాటం , భజన గీతాలు , యువకుల నృత్యాలతో శోభాయాత్ర సాగింది .

   గణనాథా ఇక సెలవు ... మా గ్రామాన్ని చల్లగా చూడు తండ్రి .

   కోలాటం గ్రామ పెద్దమనిషి శ్రీ. మాసుల రాజగంగారాం గారి ఆధ్వర్యం లో జరిగింది . ఇందులో శ్రీయుతులు బంటు హన్మాండ్లు ,మాసుల పెద్దిరెడ్డి, ఏసురత్నం , మసుల వినోద్ , గాజుల పెద్ద గంగారెడ్డి , గాజుల చిన్నారెడ్డి , ఎనడ్ల రాములు , రెబ్బస్ కొమురయ్య , మాసుల చిన్నయ్య , వరద ఆశన్న , గోల్కొండ లింగారెడ్డి, మామిడి తుక్కన్న , మామిడి సత్తయ్య , మొదలగు వారు పాల్గొన్నారు.

ఇది గురివి తీగ అలా వేస్తే చాలు ఇలా చెట్టు ను కనబడకుండా చుట్టేస్తుంది ....!

2010-09-27T06:10:00.002+05:30

ఇది పల్లెల్లో సహజంగా కనిపించే పొద తీగ ...!

దీని పేరు గురివి తీగ ...దీని ప్రత్యేకత ఏమంటి పచ్చగా వున్న ఏ పొద చెట్టు పైన దీన్ని అలా వదిలితే చాలు ...అలా అలా రోజుకో తీరున అల్లుకు పోతుంది . చూస్తుండే లోగా ఆ చెట్టును కప్పేస్తుంది . దానితో సరదా గా పిల్లలు ఈ చెట్టు మీది నుండి ఆ చెట్టు పైకి , ఆ పొద నుండి ఈ పోదకు వేస్తూ ఆడుకుంటారు ...!

భలే ఉంది కదూ ...!

ఈ ఫోటో మొన్న మా చెరువు తెగక పూర్వం ..... కట్టి కింద ఆ తెగిన ప్రదేశం లోనే తీసింది ...అక్కడ ప్రస్తుతం ఏ ఆనవాలు లేదు .... BAD.

మన పాత హనుమాండ్లు.... అదే వీరనుమాండ్లు ....!

2010-09-26T09:04:00.002+05:30

ఈ హనుమాండ్లు చాలా ఏళ్లక్రితం మన పాత బ్యాంక్ అంటే పెద్దబాపు బంగ్లా ముందు బంటోల్ల రాయి మీద ఉండేది. అక్కడ అప్పటికే రాయేషుడు ఉన్నందున ...సుమారు 1981 లో అనగా 29 ఏళ్ల క్రితం స్వర్గీయ గోల్కొండ సీతారాం , టెక్స్ నర్సయ్య , లింగాల రాజన్న ఆధ్వర్యం లో ఇక్కడి నుండి తీసుకెళ్ళి గంగులోల్ల ఇంటి పక్కన ప్రతిష్టింపజేశారు. అనంతరం ఒక మఱ్ఱి మొక్కను అక్కడ నాటారు. అదే ఇపుడు మంచి వృక్షం అయ్యింది. అక్కడి స్థానిక వాడకట్టు వాళ్ళు దాని బాగోగులు చూస్తున్నారు. జై శ్రీ రాం !

వీర హనుమాండ్లు .

అక్కడి వాడ వాళ్ళు ఏర్పరిచిన కప్పనం .

అక్కడి మఱ్ఱి ...సాయంత్రం కాగానే అక్కడ ఆటలతో పిల్లల సందడి వుంటుంది.

మొగిలిపేట్ వద్ద మలుపు తిరుగుతూ తన పరవళ్ల తో మైమరిపిస్తున్న గోదారి - పాలరేవు.

2010-09-25T06:58:00.000+05:30

గోదారమ్మ సరిగ్గా మొగిలిపేట్ వద్దనే మలుపు తిరిగి వెళుతుంది. వెళుతూ వెళుతూ రెండు గా చీలుతుంది. ఈ చీలికలు మరో పది కిలోమీటర్లు ప్రయాణించి దామ్రాజ్ పల్లి వద్ద కలుసుకొని వాల్గొండ శ్రీ రామలింగేశ్వర ఆలయం వద్ద విశాలంగా అగుపిస్తుంది. అలా మా గ్రామం వద్ద మలుపులో తన పరవళ్ల తో ఆకట్టుకొంటున్న గోదారి హోరు ను వింటూ చూడండి.

మన గ్రామ పంచాయతి భవనం

2010-09-24T06:44:00.002+05:30

ఇది మొగిలిపేట గ్రామం లోని గ్రామ పంచాయతి భవనం . ఎప్పుడు ఉదయం సాయంత్రం జనం తోని కళ కళ లాడుతుంటుంది. అక్కడే బస్ స్టాప్ గనక వచ్చి పోయే ప్రయాణీకుల తాకిడి ఉంటుంది.

గ్రామ పంచాయతి భవనము .

మొదటిది సర్పంచ్ గడి - రెండవది సమావేశ మందిరము.

పోచంపాడ్ ప్రాజెక్ట్ నీరు వదిలారు .. సందర్శకుల తాకిడి పెరిగింది ... నీటి హోరు చూడండి.

2010-09-22T06:23:00.002+05:30

పోచంపాడ్ ప్రాజెక్ట్ మాకు నీరు అందించే జలాశయం. ప్రస్తుతం దీనిలోకి విపరీతమైన వరదనీరుచేరడం తో నీటి నిలువ గరిష్ట స్థాయిని దాటింది . 34 గేట్లను ఎత్తారు .పరవళ్ళు త్రోక్కుతున్న నీటి హొయలు చూడడానికి జనం తండోపతండాలుగా వస్తున్నారు .

మంగలి లింగన్న పాములాట ...! ఊర్లో అందరికి ఆప్త బంధువు ...!

2010-09-21T06:41:00.002+05:30

మంగలి లింగన్న ... ఆ పేరు చెబితే చాలు పిల్లలు మారాం మానేస్తారు. చెప్పింది చేసేస్తారు ..తినుమంటే తినేస్తారు...పడుకోమంటే పడకేస్తారు...! ఊర్లో అందరికి నోట్లో నాలిక లా.... పాము కనబడితే చాలు లింగన్న కు కబురు వెళుతుంది. అతను వచ్చిండు అంటే చాలు ... పాము దొరికినట్టే ...! అతను పెంచి పోషించని జంతువూ లేదు గుఱ్ఱం , కుక్కలు, కొల్ల కాడికేల్లి అన్నింటిని ఎంతో ఆపేక్ష గా పెంచుతాడు .ఇక పాములైతే సరే ..సరి.

అమ్మో లింగన్న ...!

అరే పట్టుకో ...పట్టుకో....!

ఇదిగో వీడు పట్టేశాడు ...వీడికి పామంటే భంయం లేదు ...!

నాగరాజు తో పటేల్ యూత్ సభ్యులు ......!

బాదనకుర్తి బ్రిడ్జ్ వద్ద వరద గోదారి పరవళ్ళు .....!

2010-09-20T05:53:00.000+05:30

ఇటీవలే ప్రారంభమైన బాదనకుర్తి వంతెన వద్ద గోదారి పరవళ్ళు త్రొక్కుతూ ప్రవహిస్తోంది. మా మొగిలిపేట గ్రామానికి ఇది మూడు కిలోమీటర్ల దూరం లో వుంటుంది. వచ్చి పోయేవారిని అమితంగా ఆకర్షిస్తోంది.

మొగిలిపేట లో కొలువుదీరిన గణనాధులు ...!

2010-09-18T13:03:00.002+05:30

మన గ్రామం లో ఈ సంవత్సరం వివిధ యువజన సంఘాల ఆధ్వర్యం లో వివిధ వాడల్లో పలు రూపాల్లో విఘ్నరాజు దర్శనమిచ్చి భక్తుల ను ఆకట్టుకుంటున్నాడు . తండ్రి విఘ్నరాజా ఈ ఏడు నీ చల్లని చూపు మా పై వుంచి మమ్ము ఆదుకొమ్ము గణనాధా......!

ఓం గణేశాయనమః !

బాల సంఘం ఆధ్వర్యం లో మన హనుమాండ్ల గుల్లె కొలువైన బొజ్జ గణపయ్య .

దొరగారి గద్దె వద్ద పటేల్ యూత్ ఆధ్వర్యం లో ఆసీనుడైన విఘ్నరాజు .

గాంధి నగర్ ( ఎర్రగడ్డ ) లో సింహం పై దర్శనమిస్తున్న గణనాథుడు .

బస్ స్టాండ్ సమీపం లో YSA ఆధ్వర్యం లో ఆసీనుడైన గణాధిపతి .

ఒడ్డెర బస్తీ లో దర్శనమిస్తున్న భజన స్థితి లో వినాయకుడు.

గంగపుత్రుల ఆధ్వర్యం లో కొలువైన లంభోదరుడు .

పురగిరి క్షత్రియ ( పెరిక ) యువజనుల ఆధ్వర్యంలో కొలువైన ఓంకార్ గణేశుడు.

ఇంకా మరిన్ని ఫోటోలు :

శుభమస్తు .

మొగిలిపేట లో JAC ఆధ్వర్యం లో ఘనంగా తెలంగాణ విమోచన దినోత్సవం.

2010-09-18T06:11:00.000+05:30

   మొగిలిపేట ముందునుండి వివిధ ఉద్యమాలకు పోరాటాలకు పెట్టింది పేరు. అలానే తెలంగాణ ఉద్యమం లో గూడా చాలా చురుకైన పాత్ర పోషిస్తోంది. ఇప్పటికే తెలంగాణ ధూమ్ ధాం ను నిర్వహించింది. తన గ్రామం లోనే గాక ఇక్కడనుండే మల్లాపూర్ మండల ఐఖ్య కార్యాచరణ సమితి ( MANDAL JAC ) కన్వినర్ గా వున్న నాగుల రమేష్ ఆధ్వర్యం లో మండలం లోని అన్ని గ్రామాల్లో విమోచనోత్సవాలు జరిగాయి. మెట్పల్లి లో ఆత్మహత్యలు వద్దు అంటూ కరపత్ర వితరణ జరిగింది.

   మన గ్రామం లో గ్రామా JAC కన్వినర్ వంగ శేకర్ ఆధ్వర్యం లో గ్రామ పంచాయతి సమీపం లో జాతీయ పతాక ఆవిష్కరణ జరిగింది . అనంతరం గ్రామ యువకులు , విద్యావంతులు , పాటశాల విద్యార్థుల ఆధ్వర్యం ర్యాలి బయలు దేరి గ్రామం మొత్తం చుట్టి వచ్చి పటేల్ యూత్ వినాయకుని వద్ద మరొక పతాక ఆవిష్కరణ యూత్ అధ్యక్షుడు బుచ్చిరెడ్డి ఆధ్వర్యం లో జరిగింది.

   ఈ కార్యక్రమంలో నాగుల రమేష్ , వంగ శేకర్ , బాపుస్వామి, గోల్కొండ పవన్ , ప్రమోద్ తదతరులు పాల్గొన్నారు.

పతాకావిష్కరణ లో శేకర్...

మువ్వన్నెల జండా రెపరెపలు......

పటేల్ యూత్ వద్ద విమోచన దినోత్సవం .... వందనం చేస్తున్న చిన్నారులు యువకులు ....
.

ప్రసంగిస్తున్న నాగుల రమేష్ ........

జై తెలంగాణ ...! జై జై తెలంగాణ ...!

మా ఊరి మసీదు మరియు చిన్న దర్గా .

2010-09-17T06:44:00.003+05:30

గ్రామం లో ఒకప్పుడు పాత మసీద్ ఇదే స్థానం లో వుందేడిది. అది శిథిలావస్థకు రావడం తో కొత్తగా దీనిని నిర్మించారు . అలాగే 30 ఏళ్ల క్రితం ఒక చౌకిదార్ మా గ్రామం లో పని చేస్తున్న కాలం లో ఒక చిన్న దర్గాను నిర్మించాడు .

ఈ మసీదు ఆధారంగా గ్రామం లో పీరీల పండుగ జరుపుతారు . గ్రామస్తులంతా మత కుల భేదం లేకుండా పాల్గొని మొక్కులు చెల్లించు కుంటారు . సంబంధిత భక్తులకు పూనకం వస్తుంది . వారితో భక్తులు భూత భవిష్యత్తు వారి వారి సంశయాల గురించి మాట్లాడతారు. మంత్ర తంత్రాల తో బాధ పడే భక్తులు ఆ రోజు పూనకం వచ్చిన దేవునితో అగ్ని గుండం లో నుంచి నడుస్తారు . అలా చేయడం రోగం పోతుందని విశ్వసిస్తారు. నెమలి కట్ట తో వీపు ల మీద బాదడం పూనకం వచ్చిన వ్యక్తి చేసే సాధారణ క్రియ.

ఇలా పండగ లో అందరూ పాల్గొని విజయవంతం చేసి ఉరేగింపుగా వెళ్లి పీరీలను నిమజ్జనం చేస్తారు. పిల్లా పాపలతో కలిసి ఈ పండగలో అందరూ పాల్గొంటారు. చాలా మంది వారి వారి మొక్కుల కు అనుగుణంగా పులివేషాలు , సాయబుల వేషాలు, బాలింత, లాంటి వింత వింత వేషాలు వేసి అలరిస్తారు. చిన్న పిల్లలకు ఎంతో ఆనంద అందించేపండగ ఇది.పండగకు పది రోజుల ముందు నుండే రాత్రి గ్రామ యువకులంతా మసీదు వద్ద కు చేరి అగ్ని గుండం చుట్టూ తిరుగుతూ చక్కటి తెలంగాణ మాండలిక జానపదాలు పాడతారు . ఆ పాటలు వినడానికి ఊరు ఊరంతా వస్తారు. అనంతరం అగ్నిగుండం లో నుండి నడవడం తో ముగుస్తుంది. ఇది ప్రతీ రోజు జరుగుతుంది. ఇలా పాటలు పాడడం లో మా గ్రామం లో " పూతల గంగన్న" ది పెట్టింది పేరు. ఇదీ మసీదు కార్యక్రమం.

ఇది గ్రామ లోని దర్గా ముస్లిం సోదరులుమొక్కు తీర్చుకునే స్థలం.

బ్రాహ్మం గారు చెప్పినట్లు ఈ " వెంపలి చెట్ల "కు నిచ్చనలేద్దామా !?

2010-09-16T06:42:00.002+05:30

ఇవేననండీ మన బ్రాహ్మం గారు చెప్పిన వెంపలి చెట్లు . వీటికే రాబోయే రోజుల్లో మానవుడు నిచ్చెనలు వేసిది .

నమ్ముదామా !

"నందామయ గురుడ నందామయ బ్రాహ్మం గారు చెప్పింది వేదామయా"

మా ఇంటి గణపతి ... మట్టి గణపతి ...మహా గట్టి గణపతి.

2010-09-15T06:33:00.003+05:30

మా ఇంట్లో ప్రతీ సంవత్సరం లాగే ..చవితి రోజున లంభోదరుడు కొలువైనాడు . నాటి పద్దతి లోనే నల్లని మట్టి తయారీ లో మెరిసిపోతున్నాడు . ఆ బోర్రయ్య టో మా శివుడు .... తండ్రి - కొడుకుల ముచ్చట తీర్చుకుంటున్నాడు ..చూడండి.

బోలో గణేష్ మహారాజ్ కి జై !

బోలో మూషికవాహన్ కి జై !

మా శివుడు ... ఆ లంభోదరుడు ...!

హనుమాన్ మందిరము - మన ఊర్లో మొదటి గుడి.

2010-09-14T06:20:00.002+05:30

   మన గ్రామం లో హనుమాన్ మందిరం 1970 కి ముందే దొరల కాలం లో నిర్మాణం చేయబడింది. అపుడు ఈ ప్రహారీ ఏమీ లేదు . కేవలం గుడి చుట్టూ ఏమీ రక్షణ లేక చెత్త చెదారం తో వుండేది.దాని చుట్టూ గోడ నిర్మించాలనే ఆలోచన తో ఆనాటి శాస్త్రి యువజన సంఘం అందులో శ్రీ గోల్కొండ సీతారాం గారి ప్రత్యేక చొరవ తో నిర్మాణం పూర్తీ అయ్యింది. అనంతరం ప్రతి శనివారం భజన తప్పక ఉండేది . గంగుల రాజగంగారాం , తులసీ దాస్ లాంటి వాళ్ళు చక్కటి భజనలు చెప్పేవారు. విశేషం ఏమంటే భజనలన్ని కూడా మన ప్రాంతం లోని కోరుట్ల , మెట్పల్లి వాస్తవ్యులు రాసినవి మన యాస లో వుండేవి.
   గ్రామానికి సంబంధించి ఏ విషయమైనా ఇప్పటికీ హనుమాన్ మందిరం వద్దనే జరుగుతుంటాయి . ముఖ్యంగా పెద్దమనుషుల , పెండర్రాస్ మొదలగు సమావేశాలు ఇక్కడే జరిగేవి ,జరుగుతున్నాయి కూడా !
   గుడి పంతులుగా చాలా కాలం చెరుకు హన్మాండ్లు గారు వుండేవారు .ప్రస్తుతం వారికి ఆరోగ్యం బాగా లేక కొడిమ్యాల లో కూతురి వద్ద వుంటున్నారు.చాలా ఏళ్లు వారు కూల్చి వేయబడిన దొరవారి గడి లోనే అమ్మ తను వుండేవారు.
   ప్రస్తుతానికి మనకు అంటే మన గ్రామానికి పంతులు లేరు.

కొలువై ఉన్న శ్రీ రామబంటు హనుమ !

వరుసగా నాగేంద్రుడు, వినాయకుడు, భక్తాంజనేయ, అమ్మవారు .

నవగ్రహ మందిరం .

భక్తుల వసతి కోసం షెడ్డు .

మా ఇంట్లో జామ బత్తాయి చెట్ల జోడి పైన పిట్టలే ..పిట్టలు ...గూళ్ళే గూళ్ళు ...అల్లరే అల్లరి. చూడండి.

2010-09-13T06:18:00.002+05:30

ఏమండీ మా ఇంట్లో ఒకే చెట్టు కు పిట్టలు మూడు గూళ్ళు అల్లుకున్నాయి. ఇక వాటి అల్లరి మా ఇంట్లో కొత్త సందడి ని తీసుకొచ్చంది. మా పిల్లలు మేము వాటిని చూసి వాటి అల్లరిని పంచుకుని గడిపేశాం . సెల్ సిగ్నల్ వల్ల కానరాకుండా పోతున్న పక్షులు ఇలా మా ఇంట్లో ప్రత్యక్షమవడం ఎంతో ఆనందాన్ని నింపింది.

ఇది మా ఇంట్లో జామ బత్తాయి కలగలసి పెరిగిన చెట్లు.

ముచ్చట గా మూడు గూళ్ళు ...!

చెట్టు నిండా గూళ్ళే ...!

చెట్టు నిండా పిట్టలే.....!

మొగిలిపేట స్కూల్ లో బాలురకు వాలీబాల్ పోటీలు

2010-09-12T12:20:00.006+05:30

మన మొగిలిపేట పాటశాల లో గత 15 వ ఆగస్ట్ సందర్భంగా పిల్లలకు వాలీబాల్ పోటీలు జరిగాయి .

ప్రారంభిస్తున్న హెడ్ మాస్టర్ శ్రీ గోవర్ధన్ గారు ..మరియు చిత్రం లో జనార్ధన్ , లచ్చుము , శర్మ గార్లు వున్నారు.

సూచనలిస్తున్న శర్మ గారు ..!

ఛలో మారో ...!

మొగిలిపేట స్కూల్ లో బాలబాలికలకు కబడ్డీ పోటీలు .

2010-09-12T12:20:00.005+05:30

గత 15 ఆగస్ట్ కోసం మన మొగిలిపేట్ ప్రభుత్వ ఉన్నత పాటశాలలో ఆటల పోటీలు జరిగాయి.
ఈ సందర్భంగా బాల బాలికలకు "కబడ్డీ " ఆట ఆడించారు.

కబడ్డీ - కబడ్డీ :

కబడ్డీ టీం లతో సిద్దంగా వున్న సార్లు శర్మ - లచ్చుము -శ్రీకాంత్ -జనార్ధన్ గార్లు.

బాలుర కబడ్డీ షురూ .......!

ఆడిస్తున్న తోట లింగన్న గారు....!

ఛలో ..పట్టేయరా ...పట్టే య్ ...!

కబాడీ ....కబాడీ ...!

టీంలకు సూచనలిస్తూ ..రామ్మోహన్ గారు.

వీక్షిస్తున్న విద్యార్థులు .

బాలికల కబడ్డీ ..షురూ ...!

సూచనలిస్తున్న అరుణ మాడం గారు...!

ఆడించడానికి సౌమ్య గారు విజిల్ తో సిద్దం. ఛలో ..ఖేల్ షురూ ..!

కబాడీ ...కబాడీ ...!

పట్టే య్ ..పాయింట్ ..కొట్టెయ్ ...!

వీక్షిస్తున్న విద్యార్థులు ...!

"అప్లాని గుర్రాలు" .. ఈ సీజన్ లో అలా ఒకదాని పై ఒకటి గుంపుగా కదలడం విచిత్రమే !

2010-09-12T08:01:00.000+05:30

ఇవండి అప్లాని గుర్రాలంటే .. అలా ఎంత దూరమైనా వాటి ప్రయాణం ఉమ్మడిగానే ...!

మట్టి గణపతి కి జై ...!

2010-09-11T07:31:00.003+05:30

ఎక్కడ చూసినా ప్లాస్టిక్ ... తో నరకాన్ని అనుభవిస్తున్నాం . అందులో మరీ ఈ POP విగ్రహాలతో ఎంత కలుషితమో చెప్పవలసిన అవసరం లేదు . నాటి రోజుల్లాగే మన ఇంట్లో మన పాటశాలల్లో మట్టి విగ్రహాల తయారి ప్రారంభిద్దాం ... పంచి పెడదాం ..రండి.
మట్టి విగ్రహాలు పంచుతున్న మా విద్యార్థులు.

మట్టి గణపతి కి జై !

మా బ్లాగ్ సందర్శకులందరికి చవితి శుభాకాంక్షలు .

మొగిలిపేట - ఓబ్లాపూర్ మధ్య మల్లెంపంపు వద్ద రోడ్డు కొట్టుకుపోతున్న దృశ్యాలు .

2010-09-10T08:00:00.002+05:30

మా గ్రామం క్రింద ఓబ్లాపూర్ వుంటుంది . వీటి మధ్య వున్న మల్లెంపంపు అనే చిన్న కాలువ మీది నుండి రహదారి ఆదిలాబాద్ - కరీంనగర్ జిల్లాలను కలుపుతుంది. ఆ రహదారి పూర్తిగా కొట్టుకు పోయింది. మొగిలిపేట చెరువు కట్ట తెగడం వలన వరద ఉదృతి వల్ల ఒత్తిడి పెరిగి ఈ ప్రమాదం జరిగింది. రాక పోకలు నిలిచి పోయాయి.

మొగిలిపేట చెరువు కట్ట తెగిన వీడియోలు - 1

2010-09-09T11:50:00.003+05:30

కట్ట తెగిన మంగలి గండి వద్ద వెళ్లి పోతున్న నీరు ......!

మొగిలిపేట దాటి మల్లెంపంపు వద్ద వరదకు కొట్టుకుపోతున్న రోడ్డు వీడియో

2010-09-09T07:49:00.003+05:30

తెగిపోయిన మొగిలిపేట చెరువుకట్ట దృశ్యాలు - విషాదం లో రైతులు

2010-09-09T06:34:00.006+05:30

మన చెరువు చరిత్ర :

   నైజాం కాలం లో నిర్మించిన మొగిలిపేట చెరువు గడిచిన కాలఖండం లో దీంతో మూడు సార్లు ప్రమాదానికి గురైంది . 1940-50 ప్రాంతం లో ఒకసారి ప్రస్తుతం తెగిన ప్రాంతం లోనే తెగిపోగా నాడు గ్రామస్తులంతా కలిసి తిరిగి పూడ్చారు . అనంతరం 1963 ప్రాంతం లో మరో సారి ప్రస్తుతం తూం వున్న ప్రాంతం లో కట్ట తెగిపోగా అప్పటి దొర మలహళ్ రావ్ సూచన తో అతని కొడుకు ప్రస్తుత మెట్పల్లి ఖాది గ్రామోద్యోగ ప్రతిష్టాన్ చైర్మన్ తూం ను భిగించి తెగిన కట్ట ను పునరుద్దరించారు .
   అప్పటికే మత్తడి వుండేది .... కాని అది 1983 ప్రాంతం లో షట్టర్ లతో సహా కొట్టుకు పోవడం తో ఆనాటి సర్పంచ్ నడిపి దొర సుధాకర్ రావ్ దానిని తిరిగి షట్టర్లు లేకుండా నిర్మించారు . ఆ సమయం లో శాస్త్రి యువజన సంఘ సభ్యులు మత్తడి నిర్మాణం లో సహకరించారు.

   ప్రస్తుతం మంగలి గండి వద్ద కట్ట తెగిపోయింది . ఈ ప్రదేశం లో గత ఐదారేండ్ల నుండి చిన్న నీటి జల తో చెరువు నుండి బయటకు నీరు వస్తోంది . ఐతే దాన్ని మనం అలానే చూస్తూ వచ్చాం . అదికాస్త గత రెండు నెలల క్రితం గండి పడడం తో మరమ్మతులు చేశాం . ఆ విషయం ఈ బ్లాగ్ లో ప్రకటించడం జరిగింది . గత మూడు రోజుల వర్షం కారణంగా విపరీతమైన వరద వచ్చి చేరడం తో మంగలి గండి వద్ద కట్ట బలహీన పడసాగింది . దీంతో నీటి ఒత్తిడి అధిక మవడం వలన తట్టుకోలేని కట్ట ఉదయం 5 గంటల ప్రాంతం లో తెగిపోయింది . ఇలా తెగిపోవడం దీంతో మూడవసారి అవుతుంది .

జిల్లా వ్యాప్తంగా తీవ్ర నష్టాన్ని కలిగించింన వర్షం :

అప్పటికప్పుడు ఈ బ్లాగ్ టీం తీసిన చిత్రాలు :

తెగిన కట్ట ను సందర్శించి గ్రామస్తులతో మాట్లాడుతున్న స్థానిక MLA శ్రీ కల్వకుంట్ల విద్యాసాగర్ రావ్ గారు :

రైతు మిట్టపెల్లి బాపురెడ్డి తదితరులతో వివరాలు అడిగి తెలుసుకొంటున్న MLA

గ్రామ సర్పంచ్ కొడుకు వెంకట్రెడ్డి , మోహన్ రెడ్డి తదితరులతో MLA

MLA తో పాటు సందర్శించిన ZPTC మల్లాపూర్ జలపతి రెడ్డి మరియు మత్స్యకారులు .

కట్ట తెగిన దృశ్యాలు

తీవ్ర నష్టం :

   తీవ్ర స్థాయి వరద కారణంగా చెరువు క్రింది అనేక పొలాలు తోటలు సుమారు 300 ఎకరాల్లో తీరని నష్టం జరిగింది. భూమి కోతకు గురి కావడం తో కొన్ని భూములు శాశ్వతంగా పనికిరాకుండా పోయాయి. లక్షల డబ్బు ఖర్చు చేసి గత వేసవి లో బావులు తవ్వి మోటర్లు బిగిన్చుకున్నారు ఒక్కొక్కరికి నాలుగైదు మోటర్లు వున్నాయి . అవి ఈ ఉదృతి కి కొట్టుకు పోయాయి . ఒక్కో రైతు లక్షల రూపాయలు కోల్పోయి తీవ్ర దుఖం లో వున్నారు .

Flash... Flash... కుండపోత వర్షం కారణంగా తెగిపోయిన మొగిలిపేట్ చెరువు కట్ట - ప్రమాదం లో లోతట్టు గ్రామాలు .

2010-09-08T07:49:00.009+05:30

కుండపోతగా గత రెండు రోజుల వర్షం కారణంగా మా మొగిలిపేట గ్రామం చెరువు ఈ రోజు ఉదయం 5 గంటలకు తెగిపోయింది . అటు శ్రీ రాం సాగర్ గేట్లు అన్నీ ఎత్తివేయడం తో గోదావరి వరద లోతట్టు లో పోటెత్తి ఓబులాపూర్ ,దామ్రాజ్పల్లి , వాల్గొండ గ్రామాలు ప్రమాదం లో పడ్డాయి. అధికార్లకు సమాచారం ఇవ్వడం జరిగింది. స్పందించాల్సి వుంది.

తాజా సమాచారం కోసం ఈ పోస్ట్ చూస్తూ వుండండి .

తెగిపోక పూర్వం నీటి తో నిండివున్న చెరువు

ఈ ప్రదేశం లోనే మొన్న చిన్న గండి పడింది . గ్రామస్తులు పూడ్చినప్పటికి ఫలితం లేకపోయింది . ఇదే ప్రదేశం లో ఈ ఉదయం గండి పడి లోతట్టు గ్రామాలు ప్రమాదం లో పడ్డాయి .

అనుకన్నంత పని జరిగింది ... చెరువు కట్ట తెగింది

ఈ రోజు ఉదయం 6 గంటలకల్లా చెరువు కట్ట తెగి వరద లోతట్టు కు తాకడం తో ఊరంతా పరుగున తెగిన స్థలానికి చేరుకోవడం జరిగింది. తక్షణమే మన బ్లాగ్ టీం రంగం లోకి దిగి లైవ్ ఫోటోలు, వీడియోలు చిత్రీకరించింది.

SEE THE EXCLUSIVE PHOTOS OF BAD INCIDENT :

మొగిలిపేట దొంగల మోరి వద్ద పచ్చదనం తో నిండిన చిట్టడవి - టేకు వనం ( వీడియో )

2010-09-06T13:34:00.002+05:30

మన గ్రామం నుండి కొండాపురం పోయే తోవల గల దొంగల మోరి ణి ఆనుకుని వున్న చిట్టడవి లో పచ్చదనం పరుచుకుంటోంది. టేకు వనం చిగురేయడం వల్ల కొత్త అందాల తో అడవి ఆకర్షిస్తోంది.

మన కోసం సితవల్క ( సీతాఫల ) పూత కాత రడీ !

2010-09-05T05:34:00.002+05:30

కాస్త వానలు శ్రావణం ఆరంభమవ్వగానే సీతాఫల చెట్లు మొగ్గ తొడిగి పూత కాత తో పలకరిస్తుంటాయి . అలా మన ఊర్లో కట్ట మీద నడచి వెళుతుంటే వాటి పలకరింత ఎంత ఆనందమో ...!
చిన్ననాడు చెట్టు కాయల్ని అక్కడే మాగేసి, మాగేసిన కాయలు మక్కిన యో లేదో రోజూ చూసుకోవడం ఎంత మధురానుభవమో......!
రండి కాయల్ని మాగేద్దాం ....!

మొగిలిపేట కట్ట మైసమ్మ తల్లి

2010-09-04T05:00:00.003+05:30

చెరువు కట్టను ఆనుకుని కట్ట మైసమ్మ తల్లి అనాదిగా కొలువై వుంది. ప్రతీ ఏడాదికొకసారి అమ్మ వారికి బోనం బెట్టి మొక్కులు తీర్చుకోవడం ఆనవాయితీ. అమ్మ కృప వల్లే పంటలు బాగా పండుతున్నాయని గ్రామస్తుల విశ్వాసం.

మైసమ్మ తల్లికి దండాలు.

ఆన బండలల్ల పొర్లి ప్రవహిస్తున్న వరద నీరు

2010-09-03T06:14:00.002+05:30

చాలా రోజుల తర్వాత మన " ఆన బండలల్ల " వరద నీరు పొర్లి ప్రవహిస్తోంది. చెరువు నిండితే గాని మత్తడి మీదికి నీల్లెక్కేవి కావు. మంచి వర్షాల వల్ల మన చెరువులు, కుంటలు , బావులు అన్నీ నీటి తో కళ కళ లాడుతున్నాయి.

వరణుడికి కృతజ్ఞతలు.

మన పంటపొలాల్లో వానపాములు - బుర్కబెడ్డలు కనబడుతున్నాయా ! చూడండి.

2010-08-30T06:41:00.002+05:30

                                                మన గోరటి ఎంకన్న రాసిన "పల్ల్లే కన్నీరు పెడుతుందో కనిపించని కుట్రల " అనే పాటలో ఒక దగ్గర ఇలా అంటాడు ...

                        " తొలకరి జల్లు కు తడిసిన నేల మట్టి పరిమళాలేమైపోయేర వాన పాములు నత్తగుల్లలు భూమిల ఎందుకు బతుకుత లేవు - పత్తి మందుల గత్తర వాసన రా ఈ పంట పొలాలల   ...... "

                              నిజంగానే మన పంట పొలాల్లో నేడు వానపాములు , నత్తగుల్లలు , బుర్కబెడ్డలు మాయమైనాయి . ఎరువులు, మందుల వాడకం వల్ల వాటి కోసం గాలించాల్సిన పరిస్థితి ఏర్పడింది. అలా గాలించగా కనిపించిన వాన పాములు - బుర్కబెడ్డలు చూడండి.

పై చిత్రం లో వాన పాము - బుర్కబెడ్డల్ని చూడవచ్చు.

మందు కూడు లేని మంచి రోజు కోసం మనమంతా ప్రయత్నాలు మొదలెడుదాం లెండి !

సీజనల్ కాయగూరల్లో మణి కిరీటం "బోడగాకరకాయ" - ఆడా మగ పొదలు

2010-08-28T07:18:00.004+05:30

   వర్షాలు ఆరంభం కాగానే శ్రావణం లో అలా పొదలపై వాలి కనిపిస్తుంటాయి ఈ కాకరకాయ తీగలు. చూడగానే ముద్దొచ్చే బోడ శరీరం తో ఆకర్షిస్తుంటాయి. సీజనల్ రుచి లో నంబర్ వన్ కాయ గాబట్టే దీనికి డిమాండు ధర అన్నీ ఎక్కువే ...! అడవికి వెళ్తే గాని దొరకదు ,...!
   ఇంత డిమాండ్ వుంది కదా మనమే ఓ పంటేసి పండిస్తే పోలా ...! అనుకుంటే కుదరదు ఎందుకంటే అన్నీ కాలాల్లో కాత ఆగదు, ఆగినా నిలవదు , పురుగు పట్టేస్తుంది. అదీ దీని ప్రత్యేకత ...!

   అందుకే ఇది మణి కిరీటం అనేది ....! చలో అడవికి పోదాం పదండి ....!

ఇవీ మగ పొదలు మనకు పూతను మాత్రమే ఇస్తాయ్ ...కాబట్టి ఈజీ గా గుర్తుపట్టచ్చు !

ఈ రెండూ పొదలూ ఆడపొదలండోయ్..... పూత, పూత వెంబడి కాత అంటే కాయలనిస్తాయ్.... !

సేకరించిన కాయలు ..... వండేయండి మరి......!

పైన రెండు చిత్రాల్లో మొదటిదాంట్లో పండిన కాయ అలాగే రెండో దాంట్లో పండి పగిలిన కాయని చూడవచ్చు. పగిలిన కాయనుండి రాలిన విత్తనాలు మల్లి మొలకెత్తుతాయి .

పొంగి ప్రవహిస్తున్న మొగిలిపేట మత్తడి

2010-08-26T07:06:00.002+05:30

చాలా రోజుల తరువాత సుమారు పది సంవత్సరాల తర్వాత మన చెరువు మత్తడి పై నుండి వరద ప్రవహిస్తోంది. దీని కారణంగా తూం విడవకుండానే చెరు కింద నీటి పార్కం కలిసొచ్చింది.

మత్తడి నుండి వస్తున్నా నీటి ప్రవాహం.

మన గ్రామం లో దేశ నాయకుల బొమ్మలు

2010-08-25T06:27:00.002+05:30

మన గ్రామం లో మహనీయుల విగ్రహాల ను నిలపడం 1977 లో ప్రారంభమయ్యింది . అప్పుడు పెద్దబాపు కే.వి రాజేశ్వర్ రావు , నడిబ్బాపు సుధాకర్ రావు , మరియు శాస్త్రి యువజన సంఘం సభ్యులు గోల్కొండ సీతారాం , విద్యాసాగర్ , అంకతి పెద్ద రాజన్న , మసుల పెద్ద రాజన్న మొదలగు వారు వాటిని చేయించి తెచ్చి ప్రధాన కూడళ్ళలో నిలబెట్టారు .

ఇది గాంధీ బొమ్మ ఎర్రగడ్డ లేదా గాంధీ వాడ లో ఈ బొమ్మ వుంది. దీన్ని నిలబెట్టిన తరువాత అప్పటి ఆ వాడ యువకులు గాంధీ బాల సంఘం పేరు తో ఒక యువజన సంఘాన్ని ప్రారంభించుకొన్నారు. ఇప్పటికి అది వుంది.

ఇది యుద్ద సేనాని నేతాజీ బొమ్మ . ఊర్లో చాలా మంది నిరక్ష్య రాస్యులు పలకరాక తెలవక గుఱ్ఱం బొమ్మ అనికూడా పిలుస్తారు. ఇది దుబాయ్ దాతల చేత నాటి సర్పంచ కీ.శే. శ్రీ చెట్లపెల్లి చిన్ననర్సాగౌడ్ మరియు గ్రామ ప్రజల విరాళాల ఆధారంగా నెలకొల్పారు. ఇది గ్రామ పంచాయతి వద్ద కూడలి లో నెలకొల్పారు.

ఈ బొమ్మను 1977 లో నెల కోల్పారు . ఇది కూడా శాస్త్రి యువజన సంఘ ఆధ్వర్యం లో తీసుకరావడం జరిగింది.

రాజ్యాంగ నిర్మాత డా. అంబేత్కర్ విగ్రహాన్ని గ్రామ అంబేద్కర్ యువజన సంఘ యువకులు బస్ స్టాండ్ వద్ద నిర్మించారు. ఇక్కడ వారి ప్రతి వర్ధంతి , జయంతి జరుపుతారు.

ఇది అగ్గి పిడుగు అల్లూరి విగ్రహం దీనిని చైతన్య యువజన సంఘ యువకులు గ్రామ విరాళాల చేత నిలబెట్టారు. ఇది కూడా బస్ స్టాండ్ లోనే వుంటుంది.

ఇలా మొత్తం మన గ్రామం లో ఐదు బొమ్మలు వున్నాయి.

తరతరాలకు స్పూర్తిని అందిస్తూనే వున్నాయి.

ఎడ్లు నెమరు వేస్తున్నాయి...మనమూ వేద్దాం రండి...! వీడియో

2010-08-23T06:57:00.000+05:30

ఎడ్లు, బర్లు నెమరు వేస్తుంటాయి. అలాగ.... వాటిని చూస్తూ కూర్చుంటే ఎంత బాగనిపిస్తుందో..! అవి వాటి ఆహారాన్ని నేమరువేస్తాయి .....మనం అప్పుడప్పుడు మన జీవితాన్ని నెమరు వేద్దాం రండి !

వార్త - మొగిలిపేట చెరువుకు భారీ వరదతో గండి

2010-08-21T00:15:00.019+05:30

మన మొగిలిపేట చెరువుకు భారీ వర్షాల వల్ల వచ్చిన వరదనిటితో భీమన్నగుడి సమీపంలో పెద్ద గండి ఏర్పడింది. చెరువు లోని మట్టి కోసం వేసవి లో ట్రాక్టర్స్ ఎక్కువగా అక్కడినుండే రాకపోకలు సాగించడం వల్ల అక్కడే గండి పడింది. గ్రామ పెద్దలు గండిపూడిక కార్యక్రమంలో నిమగ్నమయ్యారు. వేసవి లోనే తోవను మట్టిపోసి బలంగా చేస్తే విలువైన నీరు వృధాగా పోయేది కాదు. పంటనష్టం జరిగేదికాదు.

గిజిగాడి అల్లిక లో ...ఎంత ఇంజనీరింగో ... అల్లుతున్నాడు పదండి...చూద్దాం ...!

2010-08-20T06:09:00.001+05:30

గిజిగాడి పై మనసుపడి గుఱ్ఱం జాషువా గారు అల్లిన వాక్యాలు ...........

తేలిక గడ్డి పోచఁలను దెచ్చి, రచించెద వీవు తూఁగటు
య్యేల గృహంబు, మాలవుల కేరికి సాధ్యముగాదు, దానిలో
జాలరు, లందులో జిలుఁగు శయ్యలు నంతిపురంబు లొప్పగా
మేలు భళీ! పులుంగుటెకిమీడవురా గిజిగాఁడ? నీడజా!

పచ్చపిట్టె గూడు ఎంత సుందరమో ....!

మా ఇంటి వెనకాల ఇలా తన పనిలో బిజీ గా దర్శనమిచ్చాడు మన గిజిగాడు ....!

కడుపు నిండా నీటి తో మన చెరువు

2010-08-17T06:44:00.000+05:30