మాది మొగిలిపేట .... ! మా ఊరే మా ప్రపంచం ....!

   

                   గత శనివారం తేదీ 3.9.2011 రోజున  చేపల వేట కోసం మరియు పశువులను మేపడానికి తొమ్మిది  మంది  ఎప్పటి లాగానే గోదావరి  కుర్రు ( కుర్రు అంటే మా గ్రామం వద్ద గోదావరి L turn తీసుకుని ఎడమకు మరలి రెండు పాయలుగా చీలి ప్రయాణిస్తుంది ఈ క్రమంలో ఏర్పడిన మధ్య భూ భాగాన్నే కుర్రు అంటాం ) వెళ్లారు .ఇలా  జాలరులు , పశువుల కాపరులు రోజూ  వెళ్లడం మామూలే కాని ....                  శనివారం రోజున ఎగువన  గల శ్రీరాంసాగర్  ప్రాజెక్ట్  రిజర్వాయర్ అధికంగా నిండిన కారణంగా 19 గేట్ లను ఒకేసారి  ఎత్తివేయడం మూలాన  వరద ఉధృతి వేగంయ్యింది . ఉదయం వీరు వేటకు వెళ్లారు సాయంత్రాని కల్లా వరద వేగంగా  పెరుగుతూ నీటి  మట్టం  పెరగడం ప్రారంభమయ్యింది .ఇది గమనించిన ఆ తొమ్మిది మంది లో ఆరుగురు ఈదుతూ క్షేమంగా ఒడ్డు కు  చేరారు . ఐతే అగ్గ శేకర్ , ముక్కెర రాజశేకర్ కుర్రు లో చిక్...

మా గ్రామం లో  ప్రతీ ఐదేళ్లకు ఒక సారి పెద్దమ్మ తల్లి జాతర జరుగుతుంది . సుమారుగా  తెలంగాణా గ్రామా లన్నింటిలో ఇలాగే ఆనవాయితీ ఉంది . గ్రామ కుల సంఘాల సమితి ఆధ్వర్యం లో ఈ కార్యక్రమం జరుగుతుంది. తేదీ  8.5.2011 ఆదివారం రోజున జాతర జరిగింది .   అమ్మ  వారిని రంగులతో అద్దడానికి గ్రామ శివారుల్లో ఒక పందిరి వేసి అక్కడికి తీసుకెళతారు. ఈ సారి కోటకాల్వ మామిండ్ల లో అద్దకం కార్యక్రమం ఏర్పాటు చేశారు . అద్దకాని కి వారసత్వంగా పని చేసే నకాయిషీ లు రంగులు అద్దుతారు . అద్దకం పూర్తీ అయ్యాక గ్రామస్తులంతా వెళ్లి అమ్మవారిని ఘనంగా దేవాలయానికి ఎదుర్కొంటారు . ఇట్టి కార్యక్రమం లో " ద్యావతి " వాండ్ల విన్యాసాలు గ్రామస్తులను బాగా ఆకర్షిస్తాయి . కాని ఈ సారి అంత చెప్పుకోదగ్గ విన్యాసాలు ఏమి ప్రదర్శించ లేకపోయారు . ఎదుర్కోలు సమయం లో కోళ్ళ మేడలు విరిచి పాడేయడం, కోడి గ్రుడ్లను తింపి విసరడం ...వల్ల అమ్మ వారి కోపం చల్లారుతుందని విశ్వసిస్తారు. మహిళలు దారి పొడుగునా మంగళ హారతులతో స్వాగతం చెపుతూ కొబ్బరికాయలు కొడతారు . ఈ విధంగా అమ్మవారి ఉరేగింపు సాగుతుంది.  అమ్మ వారి పండుగ చేయడం వల్ల గ్...

పుల్చేరి కొమ్మ ఆకు ఏంతో అందంగా ఆకుల వరసను కలిగి ఉంటుంది. వాటికాయలు అంటే పళ్ళు నల్లగా మెరుస్తూ నోరూరిస్తుంటాయి . పెన్ను లో సిరా ను ఇంటి వద్దే తయారీకి వీటిని బాగా వాడే వాళ్ళం. అంతే కాదు స్కూల్ లో నల్ల బల్ల కు రుద్దడానికి కూడా ఇదే తెచ్చి దంచి వాడే వాళ్ళం . ఇప్పుడు వాటి ఊసు లేదు ... అంతా డిజిటల్ బోర్డ్ ల మయం .                         ఇవి పుల్చేరి ఆకులు .   పుల్చేరి  పండ్లు ..ఇవే ఇంకు తయారీ కి వాడేవి ..తినేవీ ను. ఇంకా దగ్గర గా పుల్చేరి కాయ ను పండును చూడవచ్చును.

చిన్న నాటి నుండి ఒకటి తెలుసు ... అదేమంటే మా చెరువు కు  స్నానం కు వెళ్లి నప్పుడల్లా కట్ట మీద సీతాఫల చెట్ల కు ఈ సీజన్ లో కాసే  వాటి పుష్పాలు వాటి పిందెలు ...  ఎప్పుడు గుడ్లు తెరుస్తాయా అని ఎదిరి చూసీ చూసీ గుడ్లు తెరవగానే వాటిని తెంపి అక్కడే మక్కేసే వాళ్ళం. మక్కె దాకా రో జూ తరచి తరచి చూసేవాళ్ళం. మొత్తానికి గంటలు గంటలు ఆ సీతాఫల వనాల్లో నే గడిచేది . ఇప్పటికీ అదే ధ్యాస వ్యాపకం ....! తాజా  తాజా సీతాఫల పుష్పం .   కొమ్మల్లో నక్కిన అందమైన  సీతాఫల లేలేత కాయ .

ఉదయం అలా తోట్లో  కి వెళ్ళగానే ముద్దు గా రైతును పలకరించే తడి మట్టి బెడ్డల్నేబుర్క బెడ్డలు అంటారు . ఇవి వాన పాముల వల్ల తయారవుతాయి. చేనుకు బలంగా సారవంతం చేస్తాయి కూడా . పిల్లలకు వీటి తో ఆడుకోవడం మహా సరదా . ఈ మధ్య నేను ఓ తోటలోనికి వెళ్ళినపుడు ఇవి దర్శనమిచ్చాయి . మొక్కజొన్న దంట్ల నడుమ అందంగా మెరిసి పోతున్నాయి .   మెరిసిపోతున్న  బుర్కబెడ్డ ...!   ఇలా  తోట నిండా అవే ..! ఐతే నేటి ఎరువుల మూలాన చాలా చోట్ల వీటి దర్శనం కరువవుతోంది .  

నా చిన్న నాటి నుండి చూస్తున్నాను మా ఊరి పక్కనే అడవి లో ఈ వర్శారంభం రాగానే పసుపు వర్ణపు రాలె పువ్వు అందం నన్ను అమితంగా ఆకర్షిస్తుంది .... కాసేపు అక్కడే చెట్టు తో ముచ్చట్లాడనిదే కదలను .     ఈ  పువ్వు ను పప్పులో వేసి వండుకుంటారు కూడా ...!   ఎంత  అందంగా ఉంది ...! రాలె ఆకు .