మామిడి పూత ల కాలం వచ్చింది ... మామిళ్ళు నిండుగా పగులుతున్నాయి .... సంతోషం.
ఈ సారి మామిళ్ళు నిదు పూత తో పగులుతున్నాయి . మామిడి రైతులకు సంతోషకరమైన విషయం . అలా నేను చూసిన ఒక మామిడి నిండు దనాన్ని ఇక్కడ చూడవచ్చు .
Posts
ప్రతీ చలి కాలం సీజన్ లో కనిపించే మావి , చిక్కుడు , ఉసిరి మొదలగు పూతలు మా పెరట్లో కనిపించిన పూతలు .
చిక్కుడు పూత ఉసిరి పూత మామిడి పూత గ్రామాల్లో మామూలుగా ఈ సంక్రాంతి చలి కాలం లో మామిడి , ఇప్ప పూత వేయడాన్ని మామిండ్లు - ఇప్పలు పలుగు తాయి అంటారు . అంటే పూత విరగ బూస్తుంది అని అర్థం . మా గ్రామం లోని మా కోటకాల్వ వద్ద గల మామిడి బాగు లోనివి ఈ ఫోటోలు .
మొగిలిపేట గోదారి రేవు అందాలు - కథలు కథలు గా చెప్పుకునే ఆసక్తికర గ్రామీణ విషయాలు చిత్రాలు
తామందిరికీ స్వాగతం ! మొగిలిపేట గ్రామం ఆనుకుని గోదావరి ప్రవహిస్తుంది . ఐతే విశేషం ఏమంటే సరిగ్గా మొగిలిపేట వద్దనే "L" వంపు తీసుకుని ఉత్తరం వైపుకు వెళుతుంది. ఒక ఇంటికి వీధిపోటు ఎలాగో అలాగే మా గ్రామం పైకి తూర్పుదిశగా నేరుగా గ్రామం పైకి గోదారి వస్తుంది. ఈ క్రమం లో కొన్ని చిన్న చిన్న పాయల మూలంగా కొన్ని భూభాగాలు ద్వీపాల్లాగా మిగిలాయి . అవే గోదారి కి అందాన్ని తెచ్చిపెట్టాయి . గ్రామం నుండి గోదారి ఒడ్దుకు చేరుటకు రెండు దార్లు ఊరు మొదట్లో ఒకటి , ఊరు దాటాక ఒకటి ఉన్నాయి . మొదట్లో ఉన్న దారి "పాల రేవు " కు తీసుకెళ్లగా రెండవ దారి "బండి రేవు " కు తీసుకుపోతుంది. పై రెండు చిత్రాల్లో గోదారి నిలకడను , అలాగే గోదారి పరవళ్ల ను చూడవచ్చును . సముద్ర తీరాలను తలపించే ఇసుక తిన్నెలు గోదారి తీరానికి ఎంతో అందాన్ని తెచ్చాయి . "నేతి గుండం" అని పిలువబడే ఈ నీటి నిలువలు రాతి గుట్టల పై పది అడుగుల ఎత్తున ఎండి పోకుండా ఉండడం విశేషం . నేతి లాగ నూనె నూనె లా ఉండడమే ఈ గుండానికి ఆ పేరు ...
పుల్చెరి చెట్టు పండ్ల తో పెన్ను లోకి ఇంకు తయారు చేసేవాళ్ళం ... ఆ కాయలు తినేవాళ్ళం ..నోరు నల్లబడేది ...చూడండి .
పుల్చేరి కొమ్మ ఆకు ఏంతో అందంగా ఆకుల వరసను కలిగి ఉంటుంది. వాటికాయలు అంటే పళ్ళు నల్లగా మెరుస్తూ నోరూరిస్తుంటాయి . పెన్ను లో సిరా ను ఇంటి వద్దే తయారీకి వీటిని బాగా వాడే వాళ్ళం. అంతే కాదు స్కూల్ లో నల్ల బల్ల కు రుద్దడానికి కూడా ఇదే తెచ్చి దంచి వాడే వాళ్ళం . ఇప్పుడు వాటి ఊసు లేదు ... అంతా డిజిటల్ బోర్డ్ ల మయం . ఇవి పుల్చేరి ఆకులు . పుల్చేరి పండ్లు ..ఇవే ఇంకు తయారీ కి వాడేవి ..తినేవీ ను. ఇంకా దగ్గర గా పుల్చేరి కాయ ను పండును చూడవచ్చును.
సీతాఫల పుష్పం - లేత పింద - మా చెరువు కట్ట కు చూడముచ్చటైన సీతాఫల వనం .
చిన్న నాటి నుండి ఒకటి తెలుసు ... అదేమంటే మా చెరువు కు స్నానం కు వెళ్లి నప్పుడల్లా కట్ట మీద సీతాఫల చెట్ల కు ఈ సీజన్ లో కాసే వాటి పుష్పాలు వాటి పిందెలు ... ఎప్పుడు గుడ్లు తెరుస్తాయా అని ఎదిరి చూసీ చూసీ గుడ్లు తెరవగానే వాటిని తెంపి అక్కడే మక్కేసే వాళ్ళం. మక్కె దాకా రో జూ తరచి తరచి చూసేవాళ్ళం. మొత్తానికి గంటలు గంటలు ఆ సీతాఫల వనాల్లో నే గడిచేది . ఇప్పటికీ అదే ధ్యాస వ్యాపకం ....! తాజా తాజా సీతాఫల పుష్పం . కొమ్మల్లో నక్కిన అందమైన సీతాఫల లేలేత కాయ .