మాది మొగిలిపేట .... ! మా ఊరే మా ప్రపంచం ....!

      గత ఐదారేళ్ళ లో విస్తృతంగా అంతర్జాలం గ్రామీణ భారతానికి అందుబాటులోకి రావడం తో యువజనం వారి వారి గ్రామాల వికాసం మంచి చెడ్డలు సమస్యలు పరిష్కారాలను చాలా బాగా చర్చ...

కార్యక్రమ వివరాలు   స్వస్తి శ్రీ విజయనామ సంవత్సర మాఘ బహుళ విదియ రోజున ... తేది : 17/2/2014  సోమవారం నుండి 20/2/2014 వరకు కార్యక్రమం జరిగింది. శాశ్వత ఆలయ ధర్మ కర్త గా శ్రీమాన్ శ్రీ కల్వకుంట్ల రాజేశ్వర్ రావు గారు మరియు శ్రీమతి కల్వకుంట్ల సరళ దేవి గారు ముందుండి కార్యక్రమ నిర్వహణ గావించారు . గ్రామ స్థాయి లో గ్రామ అభివృద్ధి కమిటి , గ్రామ దేవాలయ కమిటి మరియు భక్తులు ప్రజలు కలిసి దిగ్విజయం గావించారు. 17/2/2014 రోజు సోమవారం రోజు ... ఉదయం 9.15 గంటలకు ప్రతిష్టా మూర్తుల శోభాయాత్ర గ్రామ వీధుల్లో బ్రహ్మాండంగా జరిగింది. మాతలు భక్తులు మంగళహారతులతో ఎదురెల్లి స్వాగతం పలికారు. అనంతరం 11 గంటలకు స్వస్తి పుణ్య వచనం రక్షాబంధన దీపారాధన , ఆచార్య రుత్విక్కరణం జరిగాయి. మంటపారాధన, కుంభ స్థాపనము తరువాత తీర్థ ప్రసాద వినియోగం తో మొదటి రోజు కార్యక్రమాలు దిగ్విజయంగా ముగిసాయి.  18/2/2014 తదియ మంగళ వారం రోజు .... ఉదయం 6 గంటలకు సుప్రభాతము 9 గంటలకు గత స్థాపిత దేవతార్చన దివ్య ప్రభంద పారాయణం తో కార్యక్రమం ప్రారంభమయ్యింది. మంటపారాధన, అగ్ని ప్రతిష్ట , నిత్య హోమము , స్థాపిత...

ఖానాపూర్ తోవ లో సబ్ స్టేషన్ ప్రాంగణం . ప్రవేశ ద్వారము .

మన గ్రామం లో ఇదివరలో శుద్దజల కేంద్రం లేకుండేది ... కాని రెండేళ్ళ క్రితం మన గ్రామం లోని కొందరు యువకులు దీనిని ప్రారంభించి ఉపాదిని పొందుతున్నారు . సంతోషం. పాత గ్రామ పంచాయతి భవనం లో కేంద్రం మరియు నిర్వాహకుడు గొల్లవత్తుల విజయ్ . రవాణ కోసం సిద్దం గా ఉన్న వాహనం .

                             1981 ప్రాంతం లో మన గ్రామాలను దొరలు పరిపాలిస్తున్న రోజుల్లో మన గ్రామం లో ఫోన్ సౌకర్యం అలాగే బ్యాంక్ సౌకర్యం ఉన్నాయి . ఆనాటి గ్రామ పెద్దలు చాలా శ్రమించి మన గ్రామానికి బ్యాంక్ ను మంజూరి చేయించారు . ఇప్పటికీ చుట్టుపక్కల పది గ్రామాలకు మన బ్యాంక్ సీవలు అందిస్తున్నది .               తొలుత పెద్దబాపు శ్రీ రాజేశ్వర్ రావ్ ఇంట్లో మన బ్యాంక్ ఉండేది . మూడు దశాబ్దాల పాటు అదే భవనం నుండి సేవలు అందించింది . అనంతరం నేడు బస్టాండ్ సమీపం లో గల భవనం లోనికి మార్చబడింది . పై  రెండు  ఫోటోల్లో కనబడుతున్నవి పాత భవంతి లోని బ్యాంక్ చిత్రాలు .   ఈ పై రెండు చిత్రాల్లో కనిపిస్తున్నవి నూతన భవంతి లోనికి మారిన బ్యాంక్ చిత్రాలు .

గ్రామం లోని గాంధీ నగర్ అంటే ఎర్రగడ్డ పశువులు ముఖ్యంగా బర్ల మంద బాలమ్మ బండల వద్ద సేదదీరుతాయి . అక్కడే పశువుల దాహం తీరడానికి నీటి తొట్టి ఒకటి నిర్మించి ఉంది . చెరువు తీరం లో ఈ ప్రదేశం ఉంది.  పశువులకోసం నీటి తొట్టి  సేదదీరడానికి చింత చెట్లు మర్రి ఉన్నాయి . మర్రి కింద విశ్రాంతి లో బర్లు.

ఈ సారి మామిళ్ళు నిదు పూత తో పగులుతున్నాయి . మామిడి రైతులకు సంతోషకరమైన విషయం . అలా నేను చూసిన ఒక మామిడి నిండు దనాన్ని ఇక్కడ చూడవచ్చు .

గతం లో మంద రాజన్న ఇంటి వద్ద పశువుల దవాఖాన ఉండేది . ప్రస్తుతం స్వంత భవనం సమకూరాక కొత్త బస్టాండ్ సమీపం లో ఉంది . గోదావరి కి వెళ్ళే మార్గం లో పశువుల ఆసుపత్రి .

                మా ఎరుక నుండి మొదలు ఈ భవంతి ముందుగా గ్రామ తపాల కార్యాలయం గా ఉండేది . అది బహూశా 1980  ప్రాంతం లో , అనంతరం పాతశాలకు తగిన వసతి లేని కారణంగా ప్రాథమిక పాటశాలను ఇందులోకి మార్చారు . ఆ తరువాత పాటశాలకు ఇప్పుడున్న శాశ్వత భవనం చేకూరడం తో ఈ భవనం ఖాళీ అయ్యింది .       ప్రస్తుతం వయోజన నిరంతర విద్యా కేంద్రం గా ఉపయోగ పడుతోంది . పాత తరం భవనాల్లో మిగిలిఉన్న ఏకైక భవనం ఇదొక్కటే కావడం విశేషం .  

               సమకాలీన ప్రపంచం లో విశ్వమంతా ఒకే గ్రామం గా మారినట్టు తోస్తున్నది . సమాచార విప్లవం అనేక రూపాల్లో వివిధ సౌకర్యాలను సమకూర్చుతోంది . అలా గ్రామాల్లో ఇంటర్నెట్ అనేది వారికి చాలా సౌకర్యాలను అందుబాటులోకి తెచ్చింది . అలా మొగిలిపేట లో చిన్నయ్య అనే యువకుడు western union లాంటి మనీ ట్రాన్స్ ఫర్ సంస్థను నడుపుతున్నాడు . western union in Mogilipet                                                              చిన్నయ్య , నాగరాజు , గంగాధర్

 మొగిలిపేట గ్రామం మరియు గ్రామానికి తూర్పున పెద్ద చెరువు ను చూడవచ్చును . ప్రక్రుతి సౌందర్యానికి పెట్టింది పేరు మొగిలిపేట చెరువు . మొగిలిపేట నుండి కేవలం  రెండు కిలోమీటర్ల దూరం లో ప్రవహిస్తున్న గోదావరి ... సరిగ్గా మా గ్రామం వద్దనే ఉత్తరానికి మళ్ళి ప్రయాణిస్తుంది . మధ్య లో పాయల వల్ల మిగిలిపోయిన భూభాగాలను చూడవచ్చును . వీటికి కుర్రు అని పేరు .

 1970  నుండి ఈ భవనం పోస్టాఫీసు గా ను మరియు గ్రామ పాటశాల గాను ఉండేది . 1982 లో ప్రస్తుత నూతన భవనం లోకి పాటశాల మారినది . పై  భవనం ముందే గ్రామం లో మంచినీటి కోసం తొలిసారి నిర్మించిన ఒవర్ హెడ్ ట్యాంక్ ఉంది . దీనిని  60000 లీటర్ల సామర్ధ్యం తో 1991-92 లో నిర్మించారు .

   

                   గత శనివారం తేదీ 3.9.2011 రోజున  చేపల వేట కోసం మరియు పశువులను మేపడానికి తొమ్మిది  మంది  ఎప్పటి లాగానే గోదావరి  కుర్రు ( కుర్రు అంటే మా గ్రామం వద్ద గోదావరి L turn తీసుకుని ఎడమకు మరలి రెండు పాయలుగా చీలి ప్రయాణిస్తుంది ఈ క్రమంలో ఏర్పడిన మధ్య భూ భాగాన్నే కుర్రు అంటాం ) వెళ్లారు .ఇలా  జాలరులు , పశువుల కాపరులు రోజూ  వెళ్లడం మామూలే కాని ....                  శనివారం రోజున ఎగువన  గల శ్రీరాంసాగర్  ప్రాజెక్ట్  రిజర్వాయర్ అధికంగా నిండిన కారణంగా 19 గేట్ లను ఒకేసారి  ఎత్తివేయడం మూలాన  వరద ఉధృతి వేగంయ్యింది . ఉదయం వీరు వేటకు వెళ్లారు సాయంత్రాని కల్లా వరద వేగంగా  పెరుగుతూ నీటి  మట్టం  పెరగడం ప్రారంభమయ్యింది .ఇది గమనించిన ఆ తొమ్మిది మంది లో ఆరుగురు ఈదుతూ క్షేమంగా ఒడ్డు కు  చేరారు . ఐతే అగ్గ శేకర్ , ముక్కెర రాజశేకర్ కుర్రు లో చిక్...

నా చిన్న నాటి నుండి చూస్తున్నాను మా ఊరి పక్కనే అడవి లో ఈ వర్శారంభం రాగానే పసుపు వర్ణపు రాలె పువ్వు అందం నన్ను అమితంగా ఆకర్షిస్తుంది .... కాసేపు అక్కడే చెట్టు తో ముచ్చట్లాడనిదే కదలను .     ఈ  పువ్వు ను పప్పులో వేసి వండుకుంటారు కూడా ...!   ఎంత  అందంగా ఉంది ...! రాలె ఆకు .

           మోదుగు పూలు :   FIRE OF FOREST గా పేరుగాంచిన మోదుగు పూలు పేరుకు తగ్గట్టుగానే అడవి లో ఎక్కడున్నా ఎర్రని పూలతో అట్టే తెలిసిపోతాయి. గుత్తులు గుత్తులు గా ఎంతో బాగా ఆకట్టుకుంటాయి. వీటిని సేకరించి ఎందబెట్టుకుని తరువాత పొడిగా మార్చుకుని చాలా మంది టీ పొడిగా వాడతారు. ఆరోగ్యానికి మంచిది.   అందమైన  మోదుగు పూల గుత్తి    మోదుగు  పూల కొమ్మ    మోదుగు చెట్టు -  నేను    మోదుగు  పూల తో మా పిల్లలు సృజన్ మరియు అచ్యుత్  ఇలా అడవి తోవల్లో  వచ్చిపోయే వారిని ఎంతో అందంగా ఆకట్టుకునే పూవు మోదుగుపువ్వు .

               అడవి ఒకో ఋతువులో ఒకో అందాన్ని అలంకరించుకుంటుంది. ఈ శిశిరం లో మోదుగు పూల తో మొదలై బూరుగు చెట్టు  ఒంటి నిండా బూరుగు పూలతో ఎర్రని రంగు లో అడవి సిగ లో అందమైన పువ్వు లా ఉంటుంది. బూరుగు పువ్వు ను  క్రింద చూడండి .              సరదా విషయం ఏమంటే .... గ్రామాల్లో పిల్లలు చెరువు కు స్నానానికి వెళితే ...అక్కడి బూరుగు చెట్టు యొక్క ఖాండం పై గల ముళ్ళను తీసుకుని వాటిని టేకు చెట్టు నారలో చుట్టుకుని తాంబూలం లాగా నోట్లో వేసుకుని నములుతారు . కాసేపటికి నోరంతా ఎర్రగా మారుతుంది. భలే హాయిగా ఆడుకుంటూ ఉంటారు. మీరు కూడా వేసుకోండి మరి ......   బూరుగు  పువ్వు   బూరుగు  చెట్టు    ఎర్రని  బూరుగు పువ్వు అందం.

కుండలు తయారు చేస్తున్న కుమ్మరి రాజన్న.

                      మారుతున్న జీవన శైలి కారణంగా మన కుల వృత్తులు కనిపించకుండా పోతున్నాయి. ఈ క్రమం లో మా గ్రామం లో కుండల తయారీ ని కొనసాగిస్తున్న ఏకైక కుమ్మరి "రాజన్న" మాత్రమే. అతన్ని కలిసినపుడు తీసిన ఫోటోలు. కుండలు చుడుతున్న రాజన్న  తయారు చేసిన మట్టి పాత్రలు.

                                       మా ప్రాంతం లో చెరుకు  వాణిజ్యపంట గ రానించడం వల్ల రైతులు అధిక సంఖ్యలోనే చెరుకు పండిస్తారు. కరీంనగర్ జిల్లా మల్లాపూర్ మండలం ముత్యం పేట లో చక్కెర  ఫ్యాక్టరీ ఉంది. సమీపం లోని ఎక్కడి రైతు లైనా ఇక్కడికే చెరుకును పంపిస్తారు.                                        ఐతే చేతికొచ్చిన పంటను ఈ సీజన్ లో కత్తిరించి ఫ్యాక్టరీ కి తరలించాల్సి ఉంటుంది.  ఇక్కడి రైతులకు చెరుకు నరకడం రాదు. దీని కోసం రైతులు ఆదిలాబాద్ జిల్లా , నిజామాబాద్ జిల్లా ల నుండి లంబాడీలను కుటుంబాలకు కుటుంబాలుగానే గుత్త కు మాట్లాడుకొని తెచ్చుకుంటారు. వారు ఎన్ని క్వింటాళ్ళు నరికారు అనే దాని మీదికేల్లి వాళ్లకు కూలీ కట్టిస్తారు.                                       ఈ విధముగా లంబాడీల ప్రత్యేక...